بایدن بیلن سوناک اوزارا سوزلشوو اوتکزدی

انگلستان نینگ ینگی باش وزیری ریشی سوناک بیلن امریکا قوشمه ایالتلری دولت باشلیغی جو بایدن اوزارا مناسبت، شمالی ایرلند مسئله سی و روسیه – اوکراین اوروشی بوییچه سوزلشوو اوتکزدی.

باش وزیرلیک دفتری 10 نمره دن بیر سوزچی تامانیدن بیریلگن بیاناتده، خوددی شو سوزلشووده، بایدن نینگ سوناک نی ینگی وظیفه سی بیلن تبریکله گن لیگی و ایککی رهبرنینگ بیرگه لیکده یقین فعالیت آلیب باریشنی کوتگن لیکلرینی تیلگه آلگن لیکلری بیلدیریلدی.

بایدن نینگ امریکا قوشمه ایالتلری نینگ انگلستان نینگ یقین دوستی بولیب دوام ایته جگینی ایتگن لیگی شونده ی بولیب سوناک نینگ هم ایککی اولکه اورته سیده گی مناسبت نینگ کوچلی بولیب باریشیده موافق ایکن لیکلرینی افاده ایتگن لیگی قید ایتیلدی.

بیاناتده "رهبرلر، هم اوزارا همده (آسترالیا، امریکا قوشمه ایالتلری و انگلستان اورته سیده گی) AUKUS کیلیشووی نینگ برقرارلیک نی کوچه یتیریش و چین نینگ یمان نیتلی تاثیری گه قرشی کوره شیش اورونیشلری نینگ بیر پارچه سینی ایجاد ایتگن هند – تینچ اوقیانوسی کبی منطقه لرده انگلستان – امریکا قوشمه ایالتلری همکارلیگی نینگ ظرفیتینی تیلگه آلدی" دییلدی.

سوزلشووده انگلستان – امریکا قوشمه ایالتلری نینگ اوکراین خلقینی قوللب – قوتلش و روسیه دولت باشلیغی ویلادیمیر پوتین نینگ اوروشده ناموفق بولیشی اوچون آلیب بارگن روللرینی تیلگه آلگن لیکلری قید ایتیلدی.

بیاناتده "باش وزیر سوناک و دولت باشلیغی بایدن، بیلفاست (خیرلی جمعه) کیلیشووینی قوریقلب شمالی ایرلند خلقی نینگ خوفسیزلیک و برقرارلیک که ایگه بولیشینی تامین ایتیش کیره ک لیگی توغریسیده کیلیشیب آلدیلر" دیب ایتیلدی.