فرانسه نینگ سمنت ایشلب چیقرووچی شرکتی ترور تشکیلاتی داعش گه یاردم بیرگن لیگینی قبول ایتدی

فرانسه نینگ سمنت ایشلب چیقرووچی شرکتی لافارژ، ترور تشکیلاتی داعش گه یاردم بیرگن لیگینی تن آلدی.

سودی آلیب باریلگن امریکا قوشمه ایالتلریده عدالت وزیرلیگی تامانیدن بیریلگن یازمه بیاناتده، لافارژ، نیویورک بروکلینده جایلشگن فدرال محکمه ده کیلیشووگه باش قویگن.

داعش نی قوللب – قوتله گن لیگی بوییچه عیبلاونی قبول قیلگن اوشبو شرکت 777،78 میلیون دالر جزا توولش گه راضی بولدی.

لافارژ تامانیدن بیریلگن یازمه بیاناتده ایسه، " لافارژ و اونینگ آست شرکتی بولمیش لافارژ سوریه، ییتکچیلری شخصی اوله راق اورین آلگن فعالیتلر طفیلی عیبلاونی قبول ایتگن دیر. بو فعالیتلر، لافارژ تامانیدن جزا قانونی نینگ پست بیر شکلده اخلال ایتیشی دیر. بو حادثه گه قول اوریلگن لیگی باعث متاثرمیز" دیب ایتیلگن.

فرانسه یوکسک سودی، 2021 ییلی 7 سپتامبر تاریخیده لافارژگه سوریه ده داعشلیک تروریست جنگریلرگه مالی یاردم ایتگن لیگی طفیلی «انسانلیک که قرشی جرم گه شریک بولیش» عیبلاوینی تایید ایتگندی.

پاریس تمیز سودی هم 18 می تاریخیده فرانسه نینگ سمنت شرکتی گه بو عیبلاولر بیلن علاقه لی دعوا اچگندی.

تورکیه رادیو تلویزیون باشقرمه سی (TRT) ورلد هم 2021 ییلی نوامبر آییده نشر قیلگن "The Factory" آتیده گی مستند فلمیده فرانسه دولتی بیلن یقین مناسبتی بولمیش لافارژ نینگ بولووچی ترور تشکیلاتی پی کاکا بیلن داعش گه 10 میلیاردلب دالر تووله گن لیگینی حجتلری بیلن اورته گه قویگندی.