زلنسکی: اردومیز روس کوچلریگه قرشی حربی عملیات آلیب بارماقده

اوکراین جمهور باشلیغی ویلادیمیر زلنسکی اردونینگ قرشی هجوم دایره سیده اولکه نینگ جنوبیده "تیز و کوچلی عملیاتلر" آلیب بارگن لیگینی ایتدی.

ویلادیمیر زلنسکی اجتماعی ترماق آرقه لی نشر قیلگن ویدیو تصویرلی پیامیده جبهه دن «گوزه ل خبرلر» بارلیگینی معلوم قیلدی.

"اوکراین اردوسی موجود مدافعه عملیاتی دایره سیده اولکه میزنینگ جنوبیده انچه تیز و کوچلی عملیاتلر آلیب بارماقده" دیدی.

خرسون منطقه سیده زولوته بالکه، اوکراینکه و داویدیف برید کبی بعضی بیر مسکونی منطقه لرنینگ روسلرنینگ قولیدن قیتریب آلینگن لیگینی تیلگه آلدی.

زلنسکی "عسکرلریمیز توخته مه یدی. اشغالچینی برچه توپراقلریمیزدن هیده ب یوباریش گه کم قالدی" دیب ایتدی.

اوکراین اردوسی خارکیف، خرسون و دونیتسک منطقه لریده روس کوچلریگه قره ته قرشی هجوم باشلتگندی.