تنقیلی اسلام عالمی یوسف القرضاوی وفات ایتدی

اوشبو حقده خلق ارا مسلمان عالم لر اتفاقی تامانیدن یازمه بیانات بیریلدی

1884741
تنقیلی اسلام عالمی یوسف القرضاوی وفات ایتدی

خلق ارا مسلمان عالم لر اتفاقی نینگ سابق باشلیغی یوسف القرضاوی, 96 یاشده وفات ایتدی. 

اوشبو اتفاق تامانیدن بیریلگن یازمه بیاناتده, مذکور اتفاق نینگ سابق باشلیغی مصرلیک عالم القرضاوی نینگ وفات ایتگن لیگی بیلدیریلدی. 

بیاناتده, "عمری نی, اسلامی حکم لرنینگ بیان ایتیلیشی اوچون فدا قیلگن خلق ارا مسلمان عالم لر اتفاقی نینگ اساسچی باشلیغی یوسف القرضاوی عالمدن اوتدی" دییه قید ایتیلدی. 

میلادی 1926- ییل سپتامبر آییده مصرده توغیلگن القرضاوی, قرآن حافظی بولیب دینی تعلیم آرتیدن تحصیلی نی الازهر عالی بیلیم یورتیده توگتدی.

القرضاوی, میلادی 2004- ییلده قوریلگن خلق ارا مسلمان عالم لر اتفاقی نی میلادی 2018- ییل گه قدر باشقریب کیلدی. 

یوسف القرضاوی اوزاق ییل لردن بیری قطرده یشه ماقده ایدی. 

تورکیه جمهوریتی جمهوررئیسی رجب طیب اردوغان, تلفن آرقه لی, القرضاوی نینگ اوغلی عبدالرحمن یوسف بیلن سوزله شیب قیغوداشلیک بیلدیردی. 

تورکیه جمهوررئیسلیک علاقه لر باشقرمه سی تامانیدن بیریلگن بیاناتده, جمهوررئیس اردوغان نینگ اوشبو صحبتده, یوسف القرضاوی گه الله تعالی دن رحمت طلب ایترایکن, عایله سی گه قیغوداشلیک بیلدیرگن لیگی معلوم قیلیندی.

عبدالرحمن یوسف ایسه جمهوررئیس اردوغان گه منتدارچیلیک بیلدیررایکن, کیلگوسی هفته ده استانبول ده تعزیه پروگرامی ترتیب له یدیگن لیک لری حقیده معلومات بیردی.    



علاقه لی ینگی لیکلر