امریکا قوشمه ایالتلری سوریه ده هوا هجومی اویوشتیردی

امریکا قوشمه ایالتلری, امریکا نینگ سوریه ده گی حربی مرکز لری گه اوتگن کونی اویوشتیریلگن راکت هجومی آرتیدن, ایران حمایه سیده گی گروه لر گه قرشی ینگی بیر هوا هجومی اویوشتیریلگن لیگی نی بیلدیردی. 

امریکا قوشمه ایالتلری مرکز کوچ لری قوماندان لیگی (سنتکام) تامانیدن اوشبو حقده یازمه بیانات بیریلدی. 

بیاناتده, "سوریه نینگ شمالشرقیده گی  حربی مرکز لر گه قره ته راکت هجومی اویوشتیریلیشی آرتیدن, سنتکام کوچ لری منطقه ده گی ایران تامانیدن قوللب- قوتله نیاتگن جنگری لر نی AH-64 Apache هلیکوپتر لری, AC-130 قوراللی تیک اوچر لر و M777 توپ لر بیلن اوردی.  نتیجه ده دشمن نینگ 4 نفری اولدیریلدی و دشمن گه عاید 7 راکت یوق قیلیندی" دییه قید ایتیلدی. 

اوتگن کونی, امریکا قوشمه ایالتلری نینگ سوریه نینگ شمالشرقیده گی دیرالزورده جایلشگن حربی مرکز لری گه قره ته راکت آتیلگن ایدی. 

سنتکام, اوشبو هجوم عاقبتیده امریکالیک عسکر لرنینگ یینگیل یره لنگن لیگی نی معلوم قیلرایکن, حادثه بوییچه ایران حمایه سیده گی گروه لرنینگ مسئول ایکن لیگی نی بیلدیرگن ایدی.