سودانده سیل حادثه لری عاقبتیده اونلب کیشی حیاتینی یوقاتدی

سودانده یاغینگرچیلیک طفیلی یوز بیرگن سیللر عاقبتیده اولگنلر سانی 83 گه ییتدی.

ملی مدافعه کینگشی تامانیدن بیریلگن بیاناتده، اولکه نینگ ایریم منطقه لریده دوام ایتیب تورگن یاغینگرچیلیک طفیلی یوز بیرگن سیللر عاقبتیده اولگنلر سانی 83 گه ییتگن لیگی بیلدیریلدی.

سیل فلاکتی یوز بیرگن بعضی بیر ولایتلرده فوق العاده وضعیت ایتیب اعلان قیلینگن لیگی معلوم قیلیندی.

اولکه نینگ اورته منطقه سیده جایلشگن جزیره ایالتی گه باغلیق مناغیل ده گی سیللر عاقبتیده آغیر تلفات و مادی زیان طفیلی "آفت منطقه سی" ایتیب اعلان قیلینگندی.

بیرلشگن ملتلر تشکیلاتی انسانی ایشلر دفتری، اولکه ده گی قتّیق یاغینگرچیبلیک طفیلی 136 مینگ کیشی نینگ سلبی تاثیرلنگن لیگینی بیلدیرگندی.

سودانده جولای – اکتوبر آیلریده یوز بیرگن یاغینگرچیلیک و سوو تاشقینلری نتیجه سیده هر ییلی 100 دن آرتیق کیشی جان بیرماقده. شونده ی بولیب اون مینگلب اوی – جای، ایش جایی و زراعت ییرلریگه زیان ییتماقده.