اروپا اولکه لریده انرژی محدودیتی کیریتیلدی

اروپاده انرژی بوییچه ینگی چاره - تدبیر کوریلماقده

1866043
اروپا اولکه لریده انرژی محدودیتی کیریتیلدی

اروپا اولکه لریده موسوم معیارلریدن یوقاریده بولگن ایسّیقلیک و تاباره یوقاری بارگن انرژی نرخلری گه قرشی کوره شیب تورگن حکومتلر ینگی ییچیم یوللری قیدیرماقده.

اروپاده انرژی مصرفلری نینگ کمه یتیریلیشی و روس طبیعی گازیگه باغلیق بولیش نی محدودلشتیریلیشی مقصد قیلیب آلینگن.

شونده ی بولیب اسپانیاده کولردن ایش آلیش نی محدودلشتیرووچی لایحه عملی بولیب باشلندی. همجمعیت گه آچیق ایش جایلریده کولرلر 27 درجه نینگ آستیگه توشیریلمه یدی. بو جایلرنینگ ایشیکلری نینگ هم یاپیق روشده بولیشی شرط.

قیش فصلیده ایسه ایسیتووچیلرنینگ درجه سینی 19 درجه دن یوقاریگه کوتریش گه رخصت یوق.

شونده ی بولیب کسلخانه، مکتب و آرایشاهلر استثنا توتیلدی.

رستورانتلرده ایسه ایسّیقلیک 25 درجه ده بوله دی.

یونان و ایتالیاده دولت اداره لریده اوتگن آی کولرگه محدودیت کیریتیلگندی. کولر درجه سی نینگ 27 درجه نینگ آستیده بولیشی منع قیلینگندی.

فرانسه ده کولری بولگن ایش جایلری نینگ ایشیکلری نینگ یاپیق روشده بولیشی مجبوری بولرکن، بونی رعایت قیلمه گنلرگه 750 یورو جزا بیریله جگی قید ایتیلگندی.

آلمان هانیفر شهریده هم کسلخانه و مکتبلردن تشقری برچه دولت اداره لریده کولر و باد پکه منع قیلیندی.

سویسده قیش فصلیده برق نینگ کیسیلیشی بوییچه آگاهلنتیروو بیریلدی.

فدرال برق کینگشی، خلق نینگ شمع و اوتین ذخیره قیلیشلرینی توصیه ایتدی.   



علاقه لی ینگی لیکلر