اوکراین نینگ زاپوریژیا منطقه سیده گی روسیه طرفداری سوزده رهبریت روسیه گه قوشیلماقچی

اوشبو توغریده روسیه مطبوعاتیده خبر لر ترقه تیلدی

1865503
اوکراین نینگ زاپوریژیا منطقه سیده گی روسیه طرفداری سوزده رهبریت روسیه گه قوشیلماقچی

اوکراین نینگ زاپوریژیا منطقه سیده گی روسیه طرفداری سوزده رهبریت, روسیه گه قوشیلیش مقصدی بیلن رفراندوم اوتکزه دیگن لیگی نی بیلدیردی. 

روسیه مطبوعاتیده باسیلیب چیققن خبر لر گه کوره, روسیه کنترولی ده گی زاپوریژیا منطقه سی نینگ سوزده رهبریتی نینگ باشلیغی ایوگینی بالیتسکی, "روسیه بیلن بیرگه میز" عنوانی گه ایگه بیر ییغیلیش گه اشتراک قیلدی. 

بالیتسکی, خوددی شوو ییرنینگ اوزیده قیلگن صحبتیده, اوشبو منطقه نینگ روسیه گه قوشیلیشی اوچون رفراندوم اوتکزیلیشی بوییچه قرار نی امضاله گن لیگی نی معلوم قیلدی. 

اوشبو رفراندوم نینگ کوز (خزان) موسمی نینگ باشلنغیچیده بولیب اوته دیگن لیگی بیلدیریلدی. 

اوکراین جمهوررئیسی ولادیمیر زلنسکی, آلدینگی کون بیرگن بیاناتیده, روسیه نینگ, اوکراین توپراق لریده ناقانونی سوزده رفراندوم لر اوتکزیب کیف رهبریتی و باشقه اولکه لر بیلن مذاکره چانسی نی قولدن بیریب قویه دیگن لیگی نی بیلدیرگن ایدی. 

روسیه جمهوررئیسلیک سوزچیسی دیمیتری پسکوف ایسه اوشبو رفراندوم لرنینگ روسیه تامانیدن اوتکزیلمیاتگن لیگی نی معلوم قیلرایکن, "بو, منطقه یشاوچی لری نینگ پلانی دن عبارت.  بیز رفراندوم پلانله میمیز" دییه قید ایتگن ایدی. 



علاقه لی ینگی لیکلر