ترور تشکیلاتی پ.ک.ک سوریه ده هجوم اویوشتیردی

سوریه نینگ تل رفعت تومنیده اوز موجودیتی نی دوام ایتتیریاتگن بولووچی ترور تشکیلاتی وای پی جی/پ.ک.ک نینگ, مخالف لرنینگ قولیده گی اعزاز تومنی گه راکت آتیشی عاقبتیده 3 نفر عادی اهالی یره لندی. 

ترور تشکیلاتی وای پی جی/پ.ک.ک اعضاسی ترورچی لر, میلادی 2019- ییل 22- اوکتور کونی تورکیه بیلن روسیه اورته سیده امضالنگن کیلیشوو دایره سیده تل رفعت تومنی نی ترک ایتیشی کیره ک ایکن, منطقه ده گی موجودیتی نی دوام ایتتیریب مسکونی نقطه لر گه قره ته هجوم اویوشتیریب کیلماقده. 

ترورچیلر, سوریه نینگ شمالیده گی اعزاز تومنی گه کیچه 3 راکت آتدی. 

اوشبو ترورچیلیک هجومی عاقبتیده یره لنگن 3 نفر عادی اهالی کسلخانه گه یاتقیزیلدی. 

ترور تشکیلاتی وای پی جی/پ.ک.ک اعضاسی ترورچی لر, روسیه نینگ هوایی همکارلیگی بیلن میلادی 2016- ییل فبروری آییده تل رفعت و تیگره گیده گی بعضی منطقه لرنی قولگه کیریتگن ایدی. 

بولووچی ترور تشکیلاتی, تل رفعت و تیگره گیده تقریباً 250 مینگ عادی اهالی نینگ اوز اوی لری نی ترک ایتیشی گه سبب بولرایکن, اوشبو کیشی لر تورکیه چیگره سی یقینیده گی ایریم منطقه لر گه جایلشگن ایدی. 

ترورچی لر, خوددی شوو ییرنینگ اوزی دن فرات قالقانی و زیتون ناوده سی عملیاتی منطقه لریده گی مسکونی نقطه لر بیلن خوفسیزلیک نی تامین ایتیاتگن تورکیه قوراللی کوچ لری و مخالف جنگچی لر نینگ موضع لری گه قره ته هجوم اویوشتیرماقده.