امریکا قوشمه ایالتلری بیلن اندونزیا اورتاق حربی تطبیقات باشلتدی

امریکا قوشمه ایالتلری و اندونزیا اردو لری, چین بیلن بولگن بحران آرتیدن سوماترا ارالیده بیرینچی مرته باشقه اولکه لرنینگ هم اشتراکی بیلن اورتاق حربی تطبیقات باشلتدی. 

امریکا قوشمه ایالتلری نینگ جاکارتا ایلچیلیگی تامانیدن بیریلگن بیاناتده, اوشبو تطبیقات نینگ ایرکین و آچیق هند- پسیفیک سیاستی نی حمایت قیلیش اوچون همکارلیک قابلیتی, ایشانچ و همکارلیک نی قوللب- قوتلش مقصدی بیلن ریجه لنگن لیگی بیلدیریلدی. 

امریکا نینگ پسیفیک اردوسی قوماندانی جنرال چارلیس فلین, "بو, امریکا قوشمه ایالت لری بیلن اندونزیا اورته سیده گی مناسبت لرنینگ بونده ی مهم منطقه ده پیاده کوچ لری جهتی دن کونساین رواجله نیب باریاتگن همکارلیک نینگ سمبولی دن عبارت. زیرا پیاده کوچ لری منطقه نینگ امنیتی جهتی دن اینگ مهم فکتور نی تشکیل ایتماقده" دییه قید ایتدی.

امریکا قوشمه ایالتلری, اندونزیا, آسترالیا, جاپان و سنگاپور دن 5 مینگ دن آرتیق حربی نینگ اشتراک قیلگن اوشبو تطبیقات, "میلادی 2009- ییلدن بیری منطقه ده گی اینگ کتته تطبیقات" اوله راق کورسه تیلماقده. 

فلین و اندونزیا اردوسی دن سترجنرال اندیکا پرکاسا, اورتاق تطبیقات نی جنوبی سوماترا نینگ باتوراژا قصبه سیده بولیب اوتگن بیر مراسم بیلن باشلتدی. 

اوشبو تطبیقات 14- آگست گه قدر دوام ایته دی.