بایدن: کابل ده ایمن الظواهری نی اولدیردیک

طالبان سوزچیسی ذبیح الله مجاهد اوشبو حادثه نی قاره له دی

1862495
بایدن: کابل ده ایمن الظواهری نی اولدیردیک

امریکا قوشمه ایالتلری دولت رهبری جو بایدن, القاعده رهبری ایمن الظواهری نینگ افغانستان پایتختی کابلده اویوشتیریلگن هوا عملیاتی نتیجه سیده اولدیریلگن لیگی نی بیلدیردی. 

بایدن, الظواهری نینگ عایله سی بیلن بیرگه یشیرینگن لیگی نینگ انیقلنگن لیگی و خوددی شوو ییر گه قره ته یکشنبه کونی اوچووچیسیز اوچاق لر بیلن عملیات اویوشتیریلگن لیگی نی معلوم قیلدی. 

بایدن, "الظواهری اولدیریلدی و ایندی هیچ قچان افغانستان نینگ تروریزم مرکزی گه ایله نیشی گه سبب بوله آلمه یدی و اوشبو خصوصده ایشانچی میز کامل. ایندی بو ترورچی رهبر یوق" دییه قید ایتدی. 

الظواهری گه قره تیلگن عملیات بیلن "عدالت" نینگ تامین ایتیلگن نی معلوم قیلگن بایدن, اولکه سیده میلادی 2001- ییل 11- سپتامبرده اویوشتیریلگن هجومده حیاتی نی یوقاتگن لر نینگ عایله لری نینگ هم تینچ بولگن لیک لری نی بیلدیردی. 

بایدن, "خلقی میز اوچون تهدید بولیشینگیز تقدیرده, امریکا قوشمه ایالتلری سیز نی تاپیب چیقاره دی" دییه قید ایتدی. 

الظواهری گه قره تیلگن عملیات نی "بیر موفقیت" اوله راق بهالنتیرگن جو بایدن, امریکا قوشمه ایالتلری استخباراتی گه هم اوشبو خصوصده گی "فوق العاده اصرارلری و موفقیت لری" سببلی منتدارچیلیک بیلدیردی. 

طالبان سوزچیسی ذبیح الله مجاهد ایسه ایمن الظواهری نینگ اولدیریلگن امریکا قوشمه ایالت لری نینگ کابل ده گی اوشبو هوا عملیاتی نی قاره له دی. 

مجاهد, تویتر آرقه لی بیرگن بیاناتیده, بونینگ خلق ارا قاعده لر و چیت ایللیک کوچ لرنینگ افغانستان نی ترک ایتیشی توغریسیده امریکا قوشمه ایالت لری بیلن طالبان اورته سیده میلادی 2020- ییلده امضالنگن دوحه کیلیشووی نینگ اخلالی دن عبارت ایکن لیگی نی معلوم قیلدی. 

مجاهد, الظواهری نینگ اولیمی حقیده ایسه گپیرمه دی. 



علاقه لی ینگی لیکلر