ناتو کوسواده وضعیت نینگ یمانلشیب باریشی تقدیرده مداخله گه تیار ایکن لیگینی بیلدیردی

ناتونینگ کوسوا کوچی (KFOR) کوسوانینگ شمالیده برقرارلیک نینگ یمانلشیب باریشی تقدیرده مداخله گه تیار ایکن لیگینی بیلدیردی.

ناتو تامانیدن بیریلگن بیاناتده کوسوانینگ شمالیده خوفسیزلیک وضعیتی نینگ بحرانی ایکن لیگی معلوم قیلینیب " ناتونینگ کوسوا کوچی ( (KFOR وضعیت نی یقیندن تعقیب ایتیب بارماقده و برقرارلیک یمانلشیب بارگن تقدیرده مداخله قیلیش گه تیار" دیب ایتیلدی.

کوسواده حیات کیچیره یاتگن صربلر قاله ویرسه برچه نینگ بوگوندن باشلب کوسوا کیملیک کارتی و موتر پلیک نمبری بولیشی نینگ مجبور قیلینه جگی اعلان قیلینیشی نینگ آرتیدن کوسواده گی صربلر توناون کونی کیچقرون کوسوانینگ چیگره سیده گی ایشیک نی یاپیب قویدی.

کوسواده خطر زنگلری باشلرکن، اولکه پولیسی بعضی بیر منطقه لردن قورال سیسلری ییتیب کیلگن لیگینی بیراق هیچ کیم گه زیان ییتمه گن لیگینی بیلدیردی.

کوسوا حکومتی کیین بیر بیانات آرقه لی خوددی شو قرارنینگ 1 آی کیینگه تشلنگن لیگینی اعلان قیلدی.

صربستان 2008 ییلی بیر تامانلیک مستقللیک ایتیب اعلان قیلگن کوسوانی حلی هم اوز توپراغی ایتیب قبول قیلماقده.