بیرلشگن ملتلر تشکیلاتی تورکیه گه منتدارچیلیک بیلدیردی

بیرلشگن ملتلر تشکیلاتی, اوکراین غله سی نینگ دنیا اولکه لری گه امنیت بیر شکلده انتقال ایتتیریلیشی بوییچه تورکیه گه منتدارچیلیک بیلدیردی. 

بیرلشگن ملتلر تشکیلاتی انسانی ایش لر بوییچه مسئول عمومی منشی اورینباسری مارتین گیریفیتس, نیویورک ده مطبوعاتی کنفرانس ترتیب له دی. 

گیریفیتس, 24- فبروری دن بیری دوام ایتیب کیلیاتگن روسیه بیلن اوکراین اورته سیده گی اوروش سببلی قاره دینگیزده قالیب کیتگن غله نینگ خلق ارا بازار لر گه انتقال ایتتیریلیشی بوییچه "استانبول غله کیلیشووی" اوچون جدی بیر شکلده سعی حرکت قیلگن لیگی باعث تورکیه گه منتدارچیلیک بیلدیردی. 

گیریفیتس, "تورکیه و اردوسی بیلن بیرگه استانبول ده گی مشترک کوردیناسیون مرکزیده اوتیریش بیز نینگ جهتی میزدن جوده اهمیتلی.  تورکیه و تورک اردوسی مذاکره لرده اینگ اساسی رول گه ایگه بولدی و اوچ آیلیک پروسه ده کوپلب مذاکره لر اوتکزدی لر" دییه قید ایتدی. 

غله نینگ قاره دینگیز دن امنیت بیر شکلده انتقال ایتتیریلیشی بوییچه 22- جولای کونی استانبول دولمه باغچه قصریده گی جمهوررئیسلیک دفتریده, جمهوررئیس رجب طیب اردوغان و بیرلشگن ملتلر تشکیلاتی عمومی منشی سی آنتونیو گوترش نینگ حضوریده اوکراین و روسیه بیلن "استانبول غله کیلیشووی" امضالنگن ایدی. 

قاره دینگیزدن غله نینگ امنیت بیر شکلده انتقال ایتتیریلیشی بوییچه تشکیل ایتیلگن مشترک کوردیناسیون مرکزی, 27- جولای کونی استانبول ده گی ملی مدافعه عالی بیلیم یورتی ده فعالیت گه باشله گن ایدی.