ناتونینگ شرقی قناتیده گی حربیلر سانی 10 مینگ گه یقینلشدی

روسیه نینگ اوکراین گه اویوشتیرگن هجوم نینگ آرتیدن ناتونینگ شرق قناتیده گی کوچلرده حربی سانی 2 قواتدن آرتیق کوپه ییب 10 مینگ کیشی گه یقینلشدی.

ناتو شرق قناتیده اورین آلگن حربی سانی بیلن تیگیشلی معلومات ترقه تدی.

شونده ی بولیب روسیه تامانیدن 24 فبروریده اوکراین گه اویوشتیریلگن هجوم نینگ آرتیدن سانی 4 دن 8 گه کوتریلگن کوپ اولوسلی حربی گروپلرده 9 مینگ 641 ته حربی بار. بو آلدین 4 مینگ اطرافیده ایدی.

شرق قناتیده گی حربی گروپلر هجومدن آلدن بالتیک اولکه لری لیتونیا، لیتوانیا، استونیا و پولنددن عبارت ایدی. بیراق هجوم نینگ آرتیدن بلغاریا، هنگری، رومانیا و سلواکیاده هم حربی گروپلر جایلشتیریلدی.

حرب گه تیار توتیلگن کوپ اولوسلی حربی گروپلرگه 25 ته ناتو اعضاسی اولکه حصه قوشماقده. اینگ کوپ حربیسی بولمیش آلمان نینگ 1325 ته حربیسی لیتوانیا و سلواکیاده جایلشگن وضعیتده.