استولتنبرگ: سویدن و فنلاند نینگ تورکیه نینگ خواطر لری گه اهمیت بیریشی کیره ک

ناتو عمومی سکرتری ینس استولتنبرگ, سویدن و فنلاند نینگ ناتو گه اعضالیک بوییچه تورکیه نینگ خواطرلری گه اهمیت بیریشی کیره ک ایکن لیگی نی بیلدیردی. 

استولتنبرگ, اسپانیا پایتختی مادرید ده ایرته گه باشله یدیگن ناتو رهبر لر ییغیلیشی آلدی دن ژورنالیست لرنینگ سئوال لری گه جواب قیتردی. 

استولتبرگ, سویدن بیلن فنلاند نینگ ناتو اعضالیگی گه مراجعتی بوییچه تورکیه جمهوریتی جمهوررئیسی رجب طیب اردوغان بیلن گپلشگن لیگی و اونی, ایرته گه مادرید ده بوله دیگن تورت تامانلمه ییغیلیش گه دعوت ایتگن لیگی نی بیلدیردی. 

جمهوررئیس اردوغان نینگ, مادرید ده فنلاند و سویدن باش وزیر لری بیلن اوچره شه دیگن لیگی نی بیلدیرگن استولتنبرگ, "مقصد البته که فنلاند و سویدن حقیده آلغه سیلجیش دن عبارت.  هر قنده ی بیر وعده بیرمه یمن لیکن سیزگه ایشانچ بیلدیره من که بو توغریده موفقیت قولگه کیریتیش اوچون سعی و حرکت قیلماقده میز.  فنلاند و سویدن نینگ ناتو اعضالیگی بوییچه مراجعتی تاریخی بیر قرار دن عبارت.  ناتو نینگ کوچی نی آرتیره دیگن و اوروپا- اتلانتیک منطقه سیده برقرارلیککه حصه قوشه دیگن بیر نرسه دن عبارت بوله دی" دییه قید ایتدی. 

استولتنبرگ, فنلاند و سویدن نینگ ناتو گه اعضا ایتیب قبول قیلینیشی بوییچه جدی سعی و حرکت قیلیاتگن لیک لری نی معلوم قیلرایکن, بیراق تورکیه نینگ خواطر لری گه اهمیت بیریش لری کیره ک ایکن لیگی نی بیلدیردی.