روسیه فرانسه نینگ مسکوده گی مدنیت اتشه سی نی ایستَلمه گن کیشی دیب اعلان قیلدی

فرانسه, مسکو ایلچی خانه سی مدنیت اتشه سی نینگ روسیه تامانیدن "ایستلمه گن کیشی" دیب اعلان قیلینگن لیگی نی تائید ایتدی. 

فرانسه تشقی ایش لر وزیرلیگی تامانیدن بیریلگن بیانات گه کوره, روس مسئول لر, فرانسه نینگ مسکو ایلچی خانه سی مدنیت اتشه سی نی ایندی روسیه حدود لریده ایستلمه گن لیگی نی بیلدیرگن. 

بیاناتده, اوشبو قرار بوییچه هیچ قنده ی بیر "مشروع سبب" کورسه تیلمه گن لیگی و فرانسه نینگ خوددی شوو قرار نی تاسف بیلن کوتیب آلگن لیگی معلوم قیلیندی. 

فرانسه تشقی ایش لر وزیری کترین کولونا نینگ, وزیرلیک نینگ مسئول لری دن معلومات طلب ایتگن لیگی بیلدیریلگن بیاناتده, ایلچی خانه ده گی پرسونل نینگ, دیپلماتیک و قونسلگرلیک مناسبت لری بیلن علاقه لی ویانا کیلیشوو لری دایره سیده فعالیت یوریتیاتگن لیگی بیلدیریلدی. 

اوشبو کیشی نینگ 17- جولای کونی گه قدر روسیه نی ترک ایتیشی کیره ک ایکن لیگی معلوم قیلیندی.