اوکراین اوروشیده اوتّیز تورت مینگ گه یقین روس عسکری اولگن

اوشبو مطلب نی اوکراین قوراللی کوچ لری قوماندانلیگی بیلدیردی

1845692
اوکراین اوروشیده اوتّیز تورت مینگ گه یقین روس عسکری اولگن

اوکراین قوراللی کوچ لری قوماندان لیگی بیرگن بیاناتیده, روسیه نینگ اوکراین گه قرشی هجوم لری نینگ باشله گن کوندن (24- فبروری) بیری 33 مینگ 800 روس عسکری نینگ اولگن لیگی نی بیلدیردی.

بیاناتده, عینی دمده اوکراین اردوسی نینگ روسیه نینگ 181 هلیکوپتری, 1477 تانکی, 3888 زرهی واسطه سی, 749 توپی, 238 راکت تیزیمی و 98 هوا مدافعه تیزیمی نی یوق قیلگن لیگی بیلدیریلدی.

 بوندن تشقری اوکراین اردوسی نینگ روسیه نینگ 2 مینگ 527 نظامی موتری, 14 کیمه و یینگیل سرعتلی قایقی و 601 اوچووچیسیز اوچاغی نی یوق قیلگن لیگی معلوم قیلیندی. 

روسیه مدافعه وزیرلیگی میلادی 2022- ییل 25- مارچ کونی بیرگن بیاناتیده اوکراین اوروشیده 1351 روس عسکری نینگ اولگن لیگی نی بیلدیرگن ایدی. 

اوکراین قوراللی کوچ لری تامانیدن بیریلگن باشقه بیر بیاناتده ایسه, روس عسکر لری نینگ دونیتسک استقامتی ده گی هجوم لری نی سیورودونتسک و باهموت شهر لری چیگره سیده آرتیرگن لیگی بیلدیریلدی. 

هوا هجوم لری نینگ دوام ایتیاتگن لیگی بیلدیریلگن بیاناتده, "اوروش, سیورودونتسک شهری نینگ کنترولی نینگ قولگه آلینیشی اوچون دوام ایتماقده" دییه قید ایتیلدی. 

عینی دمده خارکیف شهری و تیگره گی ده بمباران نینگ آرتیریلگن لیگی و 5 دینگیز راکتی نینگ اوکراین توپراق لریده گی هدف لرنی اوریش اوچون تیار وضعیت گه کیتیریلگن لیگی معلوم قیلیندی. 



علاقه لی ینگی لیکلر