امریکا اوکراین گه ینه بیر میلیارد دالر یاردم بیره دی

اوشبو مطلب نی جو بایدن بیلدیردی

1844087
امریکا اوکراین گه ینه بیر میلیارد دالر یاردم بیره دی

امریکا قوشمه ایالتلری دولت رهبری جو بایدن, اوکراین گه ینه بیر میلیارد دالر یاردم بیره دیگن لیک لری نی معلوم قیلدی. 

بایدن, ترقتگن یازمه بیاناتیده, تلفن آرقه لی, اوکراین جمهوررئیسی ولادیمیر زلنسکی بیلن سوزله شگن لیگی و اوشبو صحبتده روسیه بیلن دوام ایتیاتگن اوروش باره سیده بحث ایتگن لیک لری نی بیلدیردی. 

صحبتده, امریکا قوشمه ایالتلری نینگ اوکراین گه یاردم لری نینگ دوام ایته دیگن لیگی نی بیلدیرگن بایدن, "زلنسکی گه امریکا قوشمه ایالت لری نینگ اوکراین گه ینه بیر میلیارد دالر یاردم ایته دیگن لیگی نی بیلدیردیم.  اوشبو یاردم لر, آغیر قوراللر, قیرغاق مدافعه سلاح لری و اوکراین نینگ دونباس ده گی عملیات لری اوچون کیره کلی بولگن ایلغار راکت لر دن عبارت" دییه قید ایتدی. 

صحبتده, امریکا قوشمه ایالتلری نینگ اوروش دن تاثیرلنگن اوکراین لیک لر گه یاردم وعده سی نی ینه بیر بار ایسله تیب اوتگن لیگی نی بیلدیرگن بایدن, اوز سوز لری نی, "عینی دمده اوکراین ایچیده گی کیشی لر اوچون 225 میلیون دالرلیک قوشیمچه یاردم نی هم بیلدیرماقچی من.  اوشبو یاردم لر ایچیله دیگن سوو, طبی ضرورت لر, ساغلیق نی سقلش بوییچه مواد, غذا, مسکن و انسان لرنینگ اساسی ضرورت لری نینگ تامین ایتیلیشی اوچون نقدی پول دن عبارت" شکلیده دوام ایتتیردی. 



علاقه لی ینگی لیکلر