پوتین نینگ افغانستان بوییچه خاص وکیلی طالبان اوتیش دوری حکومتینی تن آلیش احتماللری بارلیگینی ایتدی

اولر بیزدن بیرقطار محصول ساتیب آلماقچی دیب ایته دی

1843533
پوتین نینگ افغانستان بوییچه خاص وکیلی طالبان اوتیش دوری حکومتینی تن آلیش احتماللری بارلیگینی ایتدی

روسیه دولت باشلیغی ویلادیمیر پوتین نینگ افغانستان بوییچه خاص وکیلی ضمیر کابلوف افغانستانده طالبان اوتیش دوری حکومتینی تن آلیش احتمالی نینگ بارلیگیدن خبر بیردی.

افغانستان نینگ اولردن بیرقطار محصول ساتیب آلماقچی ایکن لیگینی معلوم قیلگن کابلوف پوتین نینگ بو اولکه گه حبوبات تامین ایتیب بیریلیشی گه رخصت بیرگن لیگینی بیلدیردی.

طالبان اوتیش دوری حکومتی نینگ روسیه تامانیدن تن آلیش احتمالینی بهالندیرگن کابلوف شولرنی ایتدی:

شونقه بیر احتمال بار. بونینگ شرطلری هم روسیه دولت باشلیغی همده تشقی ایشلر وزیری (سرگی لاوروف) تامانیدن انیقلندی. بو توغریده آتیله دیگن ایلک آدیم کینگ کولملی، کوچلی سیاسی حکومت نینگ ایجاد ایتیلیشیدن عبارت دیر. افغان اورتاقلریمیزگه بونی آچیق شکلده بیلدیرماقده میز. بو عملی بولگنده جدی اوچره شوولر اوچون زمین یراتیله دی" دیدی.

ضمیر کابلوف روسیه نینگ طالبان اوتیش دوری حکومتینی تن آلیشده امریکا قوشمه ایالتلری ویا ایریم اولکه لرگه قره مسلیگینی تاکییدله دی.

کابلوف "طالبان نینگ بیز بیلن همکارلیک قیلیش و معقول خلق ارا قانونلرگه کوره فعالیت قیلیش توغریسیده علاقه سی بار. اولر روسیه نینگ افغانستان بوییچه اساسی خواطلرینی توشونه دی. بو خواطرلر خلق ارا تروریزم و مخدره مواد تولیدی دیر" دیب گپیردی.

طالبان نینگ اورته آسیا اولکه لری اوچون تهدید ایجاد ایتمه گن لیگینی تاکییدله گن کابلوف شولرنی ایتدی:

"طالبان افغانستاندن قاچیب کیتگن برچه غرب اولکه لری نینگ عکسینچه فقط روسیه اوچون ایمس ایریم اولکه لر اوچون هم دشمن بولمیش داعش ترور تشکیلاتی گه قرشی حقیقتن اوروشماقده" دیب ایتدی.  



علاقه لی ینگی لیکلر