اوکراین اوروشیده اوتّیز مینگ دن آرتیق روس عسکری اولگن

اوشبو مطلب نی اوکراین قوراللی کوچ لری قوماندان لیگی بیلدیردی

1835410
اوکراین اوروشیده اوتّیز مینگ دن آرتیق روس عسکری اولگن

اوکراین قوراللی کوچ لری قوماندان لیگی بیرگن بیاناتیده, روسیه نینگ اوکراین گه قرشی هجوم لری نینگ باشله گن کوندن (24- فبروری) 31- می گه قدر 30 مینگ 500 روس عسکری نینگ اولگن لیگی نی بیلدیردی.

بیاناتده, عینی دمده اوکراین اردوسی نینگ روسیه نینگ 208 اوچاغی, 174 هلیکوپتری, 1358 تانکی, 3302 زرهی واسطه سی, 649 توپی, 207 راکت تیزیمی و 93 هوا مدافعه تیزیمی نی یوق قیلگن لیگی بیلدیریلدی.  

بوندن تشقری اوکراین اردوسی نینگ روسیه نینگ 2275 نظامی موتری, 13 کیمه و یینگیل سرعتلی قایقی و 515 اوچووچیسیز اوچاغی نی یوق قیلگن لیگی معلوم قیلیندی. 

عینی دمده اوکراین قوراللی کوچ لری قوماندان لیگی, روس عسکر لری نینگ, خرسون نینگ نیکولایفکه منطقه سیده آغیر تلفات بیریشی آرتیدن اوشبو منطقه نی ترک ایتگن لیگی نی بیلدیردی. 

قوراللی کوچ لری قوماندان لیگی تامانیدن بیریلگن بیاناتده, روسیه نینگ 24- فبروری ده اوکراین گه قرشی باشلتگن ارووشده یوز بیرگن ینگیلیک لر باره سیده معلومات بیریلدی. 

بیاناتده, خرسون منطقه سیده نیکولایفکه مسکونی نقطه سیده توقنه شوولر یوز بیرگن لیگی, روس عسکر لری نینگ آغیر تلفات بیریب منطقه نی ترک ایتگن لیک لری بیلدیریلدی.



علاقه لی ینگی لیکلر