آذربایجان نینگ شاماخی شهری تورک دنیاسی توریزم پایتختی ایتیب اعلان قیلیندی

آذربایجان نینگ شاماخی شهری تورک دولتلری تشکیلاتی تامانیدن تورک دنیاسی 2023 ییلی توریزم پایتختی ایتیب اعلان قیلیندی.

آذربایجان دولت توریزم آژانسی باشلیغی فواد ناغی یف نینگ میزبانلیگیده و تورک دولتلری تشکیلاتی باش کاتبی بغداد امیری یف نینگ باشقروویده اوتکزیلگن جلسه گه اوزبیکستان باش وزیر اورینباسری توریزم و مدنیت میراث وزیری عزیز عبدالحکیم اوف، تورکیه جمهوریتی مدنیت و توریزم وزیر اورینباسری نادر آلپ آرسلان، قزاقستان مدنیت و سپورت وزیر اورینباسری ییرجان ایرکین بایف، دولت یوقاری مقاملری، توریزم ساحه سی متخصصلری و آذربایجانده گی دیپلوماتیک نماینده لری قتنشدی.

جلسه ده تورک دولتلر تشکیلاتی اعضاسی و کوزه تووچی اولکه لرنینگ بویوک شهرلری اورته سیده گی اوچیش سانی نینگ کوپه یتیریلیشی، توریزم حقیده معلومات ییره تیلیشی، قیش و گولف توریزمیده همجهتلیک و همکارلیک امکانیتلری بوییچه تحقیق آلیب باریلیشی کبی موضوعلر تیلگه آلیندی.

اعضا اولکه لرنینگ سیاحت شرکتلری اورته سیده مناسبتلرنینگ ایجاد ایتیلیشی قاله ویرسه آذربایجان نینگ شاماخی شهری نینگ تورک دنیاسی 2023 ییلی توریزم پایتختی ایتیب اعلان ایتیلیش قراری قبول قیلیب آلیندی.