فینلند و سویدن ناتوگه مراجعه قیلدی

فینلند و سویدن ناتوگه اعضا بولیش اوچون رسمی روشده مراجعت نامه لرینی ناتو باش کاتبی ینس ستولتنبرگ گه تسلیم ایتدی.

باش کاتب ستولتنبرگ، مذکور مکتوبلرنی بلجیم نینگ پایتختی بروکسلده فینلند و سویدن بویوک ایلچیلریدن تسلیم آلدی.

ستولتنبرگ بو جایده مطبوعاتگه بیرگن بیاناتده هر اولکه نینگ اوز یولینی تنلش گه حقی بولگن لیگینی معلوم قیلیب ایککی اولکه نینگ طلبلرینی ممنونیت بیلن کوتیب آلگن لیگینی قید ایتدی.

سویدن و فینلندنینگ اعضالیگی نینگ ناتونینگ خوفسیزلیگینی تامین ایتیلیشیده حصه قوشه جگینی افاده ایتدی.

ستولتنبرگ "بوگونگی بولگن مراجعه لر تاریخی بیر آدیم دیر. ایندی متفقلر ناتوگه اعضالیک یولینی بهالندیره دی. برچه متفقلرنینگ خوفسیزلیک خواطرلری دقت گه آلینیشی کیره ک. برچه مسئله لرنی کینگ – کولملی تیلگه آلیب تیزده نتیجه آلیش گه قرارلی میز" دیدی.

ستولتنبرگ برچه متفقلرنینگ ناتونینگ کینگه یتیریلیشی توغریسیده مطابق ایکن لیگینی بیلدیردی.