تورک حربی لر لیبیا ده قاچاق مهاجر لر نی غرق بولیشدن قوتقردی

اوشبو توغریده تورکیه جمهوریتی ملی مدافعه وزیرلیگی تامانیدن بیانات بیریلدی

1823171
تورک حربی لر لیبیا ده قاچاق مهاجر لر نی غرق بولیشدن قوتقردی

تورک حربی لر لیبیا ده 10 کوندن بیری دینگیزده قالیب کیتگن 17 نفر قاچاق مهاجر نی غرق بولیشدن قوتقردی. 

تورکیه جمهوریتی ملی مدافعه وزیرلیگی تامانیدن بیریلگن بیاناتده, مدیترانه دینگیزی نینگ لیبیا نینگ مصراته شهری ده گی بولیمیده 17 نفر قاچاق مهاجر نینگ خوفسیزلیک کوچ لری کیمه سی گه آلینگن لیگی و اوشبو مهاجر لردن بیری نینگ برچه سعی و حرکت لر گه قره مسدن حیاتی نی یوقاتگن لیگی بیلدیریلدی. 

بیاناتگه کوره, توناون تورک دینگیز کوچ لری اوروش کیمه سیدن عبارت TCG گوکچه اده تامانیدن لیبیا نینگ مصراته شهریده دینگیز ده بیر قَییق انیقلنگن. 

خوددی شوو قییق ده یریم هوشسیز حالتده گی 17 نفر قاچاق مهاجر مذکور اوروش کیمه سی گه آلیندی.

کیمه ده گی داکتر لر تامانیدن اوتکزیلگن تیکشیرو لر نتیجه سیده, 12 کیشی نینگ ساغلیق وضعیتی نینگ یخشی ایکن لیگی و 4 نفر نینگ ایسه هوشسیز ایکن لیگی انیقلندی. 

بیر نفر مهاجر ایسه ساغلیق پرسونلی نینگ برچه سعی و حرکت لری گه قره مسدن حیاتی نی یوقاتدی.

خوددی شوو مهاجر لر نینگ بنگلدیش لیک بولیب 10 کوندن بیری دینگیزده ایکن لیگی انیقلندی. 

غرق بولیشدن قوتقریلگن اوشبو مهاجر لر لیبیا مقام لری گه تاپشیریلدی. 



علاقه لی ینگی لیکلر