پوتین نینگ کیچریم سوره گن لیگی ادعا ایتیلدی

روسیه جمهوررئیسی ولادیمیر پوتین نینگ, روسیه تشقی ایش لر وزیری سرگی لاوروف نینگ, "هیتلر نینگ یهودی ایکن لیگی" حقیده گی سوز لری سببلی, اسرائیل باش وزیری نفتالی بنت دن کیچیریم سوره گن لیگی ادعا ایتیلدی. 

اسرائیل حکومتی مطبوعات دفتری تامانیدن بیریلگن بیاناتده, پوتین نینگ تلفن آرقه لی بنت بیلن سوزلشگن لیگی بیلدیریلدی. 

بیاناتده, پوتین بیلن بنت نینگ, لاوروف نینگ, "هیتلر یهودی ایدی", "اینگ کتته یهودی دشمنی یهودی لرنینگ اوزی ایدی" شکلیده گی سوز لری حقیده هم بحث ایتگن لیک لری معلوم قیلیندی. 

عینی دمده بیاناتده, بنت نینگ لاوروف نینگ سوز لری اوچون پوتین نینگ عذری نی قبول قیلگن لیگی و هولوکاست بیلن علاقه لی سیاست لری سببلی منتدارچیلیک بیلدیرگن لیگی ایسله تیلدی. 

تلفن آرقه لی بولیب اوتگن اوشبو صحبت بیلن علاقه لی کرملین تامانیدن بیریلگن بیاناتده ایسه, پوتین نینگ 9- می اسرائیل نینگ مستقل لیک کونی مناسبتی بیلن بنت و اسرائیل خلقی گه تبریک بیلدیرگن لیگی معلوم قیلیندی. 

کرملین نینگ بیاناتیده, پوتین نینگ بنت دن کیچیریم سوره گن لیگی حقیده معلومات بیریلمه دی. 

لاوروف نینگ هیتلر نینگ یهودی ایکن لیگی حقیده گی سوز لری گه قرشی اسرائیل تامانیدن قتتیق عکس العمل کورسه تیلرایکن, روسیه نینگ تل ابیب ایلچیسی اسرائیل تشقی ایش لر وزیرلیگی گه چقیریلگن ایدی.