جاپان روسیه گه قرشی تحریم لری نی کینگیتیره دی

جاپان باش وزیری کیشیدا فومیو, اوکراین ده گی اوروش سببلی روسیه لیک کیشی لر و روسیه نینگ موسسه لری گه قره تیلگن تحریم لری نی کینگیتیره دیگن لیک لری نی بیلدیردی. 

کیشیدا فومیو, اوروپا گه قیلگن سفری نینگ سونگّی کونیده, انگلستان پایتختی لندن ده بیرگن بیاناتیده, اولکه سی نینگ, روسیه گه قره تیلگن تحریم لری نی آرتیره دیگن لیگی نی معلوم قیلدی. 

فومیو, جی- 7 اولکه لری نینگ "اوکراین ده گی رولی نینگ اهمیتی" گه دقت قره ترایکن, "تینچلیک و نظم نینگ تامین ایتیلیشی اوچون جی- 7 همکارلیگی نی کوچه یتیریشی میز کیره ک" دییه قید ایتدی. 

جاپان باش وزیری, تقریباً 140 کیشی نینگ سرمایه سی نی تونگنه دیگن لیک لری, روس اردوسی بیلن ارتباطی بولگن 70 موسسه گه قرشی صادرات چیکلاوی نی مطرح قیله دیگن لیک لری نی بیلدیردی. 

اوشبو قرار دایره سیده, جاپان حکومتی, روسیه گه کوانتوم کمپیوتر لر داخل ایلغار تکنالوژی لر نی قمره گن مال صادراتی نی هم ممنوع قیلیب قویه دی. 

روسیه اردوسی 24- فبرور کونی اوکراین گه هجوم باشلتدی و بوندن کیین ایسه مسکو رهبریتی گه قرشی ایریم تحریم لر باشله دی.