پوتین: اوکراین بیلن کیلیشیب آلیش نی آرزو قیلماقده میز

روسیه جمهوررئیسی ولادیمیر پوتین, اوکراین بیلن دیپلماتیک اوله راق کیلیشیب آلیش نی آرزو قیلیاتگن لیک لری نی بیلدیردی. 

پوتین, مسکوده بیرلشگن ملتلر تشکیلاتی عمومی منشی سی آنتونیو گوترش بیلن اوچره شدی. 

اوچره شوو آلدی دن بیرگن بیاناتیده پوتین, بیرلشگن ملتلر تشکیلاتی اساس لری نی کوچلی بیر شکلده قوللب – قوتلیاتگن لیک لری نی بیلدیررایکن, کیله جکده هم اوشبو سیاست لری نی دوام ایتتیریش نیتیده ایکن لیک لری نی معلوم قیلدی. 

اوکراین ده گی مسئله نینگ میلادی 2014- ییلده بو اولکه ده بولگن "کودتا" آرتیدن باشله گن لیگی نی معلوم قیلگن پوتین, دونباس مسئله سی نینگ جزئیاتی نی توشینتیریب بیردی. 

پوتین, بو سوزده رهبریت لرنینگ حربی هجوم لر گه دوچ کیلیب قالگن لیگی اوچون اولردن عسکری یاردم طلب ایتگن لیگی نی بیلدیردی. 

پوتین, "بیز هم بیرلشگن ملتلر تشکیلاتی کیلیشووی نینگ 51- ماده سی نینگ 7- بولیمی گه کوره, خاص بیر حربی عملیات باشله تیب بونده ی بیر ایش نی قیلیش گه مجبور بولدیک.  دوام ایتیاتگن حربی عملیات گه قره مسدن, دیپلماتیک اوله راق کیلیشیب آلیش نی آرزو ایتیاتگن لیگی میز نی بیلدیرماقچی من.  مذاکره قیلماقده میز, اولر نی رد ایتمه یمیز" دییه قید ایتدی. 

استانبولده گی مذاکره لر آرتیدن جدی قدم لر تشلنگن لیگی گه دقت قره تگن پوتین, بوچا حادثه سی آرتیدن اوکراین لیک مذاکره چی لرنینگ ییچیم بیلن علاقه لی حرکت لری نینگ جدی بیر شکلده اوزگرگن لیگی نی معلوم قیلدی. 

پوتین, بونگه قره مسدن مذاکره لرنینگ انترنت آرقه لی دوام ایتیاتگن لیگی و مثبت بیر نتیجه آلیش نی آرزو قیلیاتگن لیک لری نی بیلدیردی. 

گوترش ایسه, اوکراین ده گی وضعیت بوییچه خواطرده ایکن لیک لری نی بیلدیررایکن, روسیه نینگ, اوکراین ده یوز بیرگن ینگیلیک لر و اوروپا نینگ خلق ارا خوفسیزلیک بیلن علاقه لی عیبلاو لری نی درک ایتیاتگن لیگی نی معلوم قیلدی. 

گوترش, "بیزنینگ جهتی میز دن, بو معما نینگ بیرلشگن ملتلر تامانیدن مطرح قیلینگن فرقلی واسطه لر گه باغلیق اوله راق ییچیلیشی کیره ک.  هر قنده ی بیر اولکه نینگ ارضی تمامیتی نینگ اخلالی نینگ بیرلشگن ملتلر تشکیلاتی اساس لری گه انیق ضد ایکن لیگی گه ایشانه من.  حاضرگی کونده وضعیت بوییچه جدی خواطرده میز.  اوکراین توپراق لری نینگ اشغال ایتیلگن لیگی گه ایشانماقده میز" دییه قید ایتدی. 

گوترش, بیرلشگن لر تشکیلاتی نینگ سیاسی مذاکره لرنینگ بیر بولگی دن عبارت ایمس لیگی نی بیلدیردی. 

گوترش, "ایکله اولکه اورته سیده گی مذاکره لر و تورکیه نینگ اوشبو توغریده گی یخشی نیتی نی قوللب- قوتله یمیز.  اوکراین ده گی بشری وضعیت بیلن علاقه لی اساسی وظیفه میز مسئله نی ییچیش و وضعیت نی یخشی لشتیریش دن عبارت" دییه قید ایتدی.