اوکراینده یوزلب باله حیاتی نی یوقاتدی و یره لندی

اونلب تعلیمی موسسه نینگ ویران بولگن لیگی بیلدیریلدی

1815799
اوکراینده یوزلب باله حیاتی نی یوقاتدی و یره لندی

اوکراین باش قاره لاوچیلیگی تامانیدن بیریلگن بیاناتده, روسیه اردوسی نینگ بمباران لریده 1141 تعلیمی مرکز گه ضرر ییتکزیلگن لیگی معلوم قیلیندی.

بیاناتده, 99 تعلیمی مرکز نینگ ایسه بوتونله ی ویران بولگن لیگی بیلدیریلدی. 

عینی دمده بیاناتده, روسیه نینگ هجوم لری نینگ باشله گن 24- فبروری کونیدن بیری 208 باله نینگ حیاتی نی یوقاتگن لیگی و 376 باله نینگ ایسه یره لنگن لیگی معلوم قیلیندی. 

اوکراین باش وزیری نینگ اوریبناسری ایرینا ویریشچوک هم, توناون آچیلگن یولدن 4 بس گه میندیریلگن عادی اهالی نینگ ماریوپول دن چیقاریلگن لیگی نی معلوم قیلرایکن, کیچه بردیانسک ده قالگن اوشبو کیشی لرنینگ بوگون زاپوریژیا گه ییتیب کیله دیگن لیک لری نی بیلدیردی.  

ویریشچوک, عیال لر, باله لر و قری لرنی اوروش منطقه لری دن چیقاریش فعالیت لری نینگ بوگون هم دوام ایته دیگن لیگی نی معلوم قیلدی. 

عینی دمده اوکراین جمهوررئیسلیک دفتری باش مصلحتچیسی اولیکسی آرستوویچ, حاضرگی کونده اوکراین ده 90 مینگ گه یقین روس حربی سی نینگ موجود ایکن لیگی نی بیلدیردی.

آرستوویچ, 22 مینگ روس حربی سی نینگ ایسه اوکراین چیگره سیده کوتیب تورگن لیگی نی معلوم قیلدی. 



علاقه لی ینگی لیکلر