بیش میلیون گه یقین کیشی اوکراین نی ترک ایتدی

اوشبو مطلب نی بیرلشگن ملتلر تشکیلاتی بیلدیردی

1814048
بیش میلیون گه یقین کیشی اوکراین نی ترک ایتدی

بیرلشگن ملت لر تشکیلاتی تامانیدن بیریلگن معلومات گه کوره, روسیه بیلن اوکراین اورته سیده گی اوروش نتیجه سیده اوکراین ده کمیده 2 مینگ 72 نفر تینچ اهالی نینگ حیاتی نی یوقاتگن لیگی و ایکّی مینگ 818 نفر تینچ اهالی نینگ ایسه یره لنگن لیگی بیلدیریلدی. 

اوروش نینگ باشله گن کوندن بیری 4 میلیون 934 مینگ 415 نفر اوکراین لیک نینگ ایسه قوشنی اولکه لر گه اوتگن لیگی معلوم قیلیندی.

بیرلشگن ملتلر تشکیلاتی قاچقین لر بوییچه کمیشنرلیگی تامانیدن بیریلگن بیاناتده, اوکراین لیک مهاجر لر حقیده معلومات بیریلدی. 

بیاناتده, 24- فبروری دن 17- اپریل گه قدر 4 میلیون 934 مینگ 415 نفر اوکراین لیک نینگ قوشنی اولکه لر گه اوتگن لیگی معلوم قیلیندی. 

خوددی شوو کیشی لرنینگ یریمی دن کوپراغی نینگ پولند گه کیتگن لیگی بیلدیریلدی. 

اوکراین لیک لرنینگ اینگ کوپ پولند (2 میلیون 780 مینگ 913), رومانیا (743 مینگ 880), روسیه (522 مینگ 404),  هنگری (461 مینگ 539), مالدوا (423 مینگ 852) و سلواکیا (337 مینگ 311) و بلاروس (23 مینگ 469) گه کیتگن لیگی بیلدیریلگن بیاناتده, دونیتسک و لوهانسک منطقه لریدن هم فبروری آیی نینگ 18- و 23- کون لری آره سیده 105 مینگ کیشی نینگ روسیه گه اوتگن لیگی معلوم قیلیندی. 

اوکراین دن قوشنی اولکه لر گه اوتگن یوز مینگلب اوکراین لیک نینگ بو ییردن باشقه اوروپا اولکه لری گه اوتگن لیگی بیلینماقده. 

بیرلشگن ملت لر تشکیلاتی گه باغلیق کوچ تشکیلاتی هم اوکراین ایچیده 7,1 میلیون نفر تینچ اهالی نینگ مهاجر بولگن لیگی نی بیلدیرگن ایدی. 

اولگن و یره لنگن کیشی لر سانی نینگ بوندن هم آرتیغراق بولیشی نینگ ممکن ایکن لیگی بیلدیریلدی. 



علاقه لی ینگی لیکلر