پولند باش وزیری فرانسه جمهوررئیسی نی قتتیق تنقید قیلدی

پولند باش وزیری ماتئوش موراویه تسکی, اوکراین نینگ بوچا شهریده عادی اهالی نینگ اولدیریلیشی آرتیدن, روسیه جمهوررئیسی ولادیمیر پوتین بیلن صحبت قیلگن لیگی اوچون, فرانسه جمهوررئیسی امانوئل ماکرون نی قتتیق تنقید قیلدی. 

موراویه تسکی, پایتخت وارسا ده ترتیب له گن مطبوعاتی کنفرانسیده, غرب نینگ روسیه منبع لری گه قره تیلگن تحریم لری نی آرتیریش نی طلب ایترایکن, ماکرون حقیده بیرگن بیاناتیده, "حرمتلی ماکرون, پوتین بیلن بیر نیچه مراتبه صحبت قیلدینگیز, نتیجه آلدینگیز می؟ مجرم لر بیلن صحبت قیلیش ممکن ایمس" دییه قید ایتدی. 

روسیه گه قره تیلگن موجود تحریم لرنینگ ییترلی ایمس لیگی نی معلوم قیلگن موراویه تسکی, آلمان باش وزیری اولاف شولتس نی آرقه گه قدم تشلش گه مجبور قیلگن نرسه هم احتمالاً آلمان لیک میلیاردر لرنینگ سیسی دن عبارت بولگن لیگی نی بیلدیردی. 

موراویه تسکی, "اساساً ایشیتیلیشی کیره ک بولگن نرسه لر اولدیریلگن عیال لر و باله لرنینگ سیسی دن عبارت" دییه قید ایتدی. 

انگلیس مطبوعاتیده باسیلیب چیققن خبر لرده هم موراویه تسکی نینگ, "مجرم لر بیلن صحبت قیلیش اورنیگه, اولرگه قرشی اوروشیش کیره ک.  هیچ کیمسه هیتلر بیلن صحبت قیلدی می؟ هیتلر, ستالین و پول پوت (میلادی 1976-1979 ییل لر آره سیده کامبودیا باش وزیری) بیلن صحبت قیلر ایدینگیز می؟" دیگن لیگی بیلدیریلدی.