اروپا پارلمانی نینگ ایرلندلیک ملت وکیلی پارلمان نی افغانستان موضوعی بوییچه قاره له دی

اروپا پارلمانی نینگ ایرلندلیک ملت وکیلی کلر دالی اوکراینده گی اوروشنی کون ترتیبی گه آلگن پارلمان نینگ افغانستانده یوز بیریب تورگن بحران گه سیسسیز قالیشی گه ناراضیلیک بیلدیریب قاره له دی.

کلر دالی، اروپا بیرلیگی پارلمانیده گی بیر جلسه ده قیلگن صحبتیده اوکراین و افغانستان اوچون ایککی یوزلمه چیلیک قیلینگن لیگی بوییچه تنقید ایتیب ملت وکیللریگه افغانستان خلقی دوچ قالگن بحرانگه نیمه اوچون بها بیریلمه گن لیگینی سوره دی.

دالی شولرنی ایتدی:

"البته کی افندیلر اوروشیده معصوم تینچ اهالی نینگ حیاتی نینگ قربان قیلینگن فلاکت بحرانلری پیتیده حیات کیچیرماقده میز. هه، اوکراینده لیکن فقط اوکراینده ایمس. سونگگی عمومی جلسه دن بوگونگچه اون مینگلب افغانستان تبعه سی آذیق – اوقات و خوفسیز بیر جای قیدیریب قاچیش گه مجبور بولیب قالدی. 5 میلیون باله قشاقلیک، دردلی اضطرابلی اولیم بیلن دوچ قالگن وضعیتده. باله لیک چاغیده تورموش گه چیقیشلر 500 فایزگه آرتدی و حیاتده قالیشلری اوچون ساتیلگن باله لر بار. اوندن گپیریلمه یدی. فقط بو جایده ایمس هیچ بیر جایده گپیریلمه یدی" دیب ایتدی.

ایرلندلیک ملت وکیل دالی اوکراینده گی کبی افغانستانده گی بحران بیلن تیگیشلی تلویزیونلرده نشرات بیریلمه گن لیگینی و عاجل انسانی مداخله بولمه گن لیگینی ایتدی.

دالی "خاص بیر جلسه یوق، بو جلسه ده هیچ سوز یوروتیلمه یدی. افغانستان هیئاتلری یوق، بیانات یوق. خداجان، انسانی بحرانلرینی بونقه اهمیتسیز قیلگن نرسه نینگ نیمه ایکن لیگینی مراک ایته دیلر شکللی. تیریلری نینگ رنگی می؟ آق بولمه گن لیکلری اوچون می؟ اروپالیک بولمه گن لیکلری اوچون می؟ مسئله لری نینگ امریکانینگ بیرته قورالیدن ویا امریکا اشغالی سبب بولگن لیگی اوچون می؟ اولکه لری نینگ بایلیگی نینگ اوغیرلنیب آلیش قراری نینگ روسیه ایمس، بیر امریکا قوشمه ایالتلری دولت باشلیغی تامانیدن آلینیشی می؟ چونکه برچه اوروشلر یمان دیر و برچه قربانلر کمک که سزاوار بولگن نقطه گه کیلگونچگه قدر هیچ بیر شکلده ایشانچلیگیمیز یوق" دیدی.