اوکراین اوروشی حقیده اوزبیک تیلیده تحلیلی مقاله

روس اردوسی اوزاق بیر مدت چیگره ده کوتیب توریشی آرتیدن کوپلب تاماندن اوکراین گه هجوم قیله باشله دی.  پوتین, روس اردوسی گه چقماق عملیاتی امری نی بیررایکن, کیف نی قولگه کیریتیب زودلیک بیلن اوروش نی بیتیره دیگن لیگی نی اویله ماقده ایدی.  بیراق اوکراین اردوسی نینگ مقاومتی, اوکراین خلقی نینگ اشغال تشبثی گه قرشی بیردملیگی و زلنسکی نینگ سیاسی رهبرلیگی سببلی روسیه اوزاق بیر مدت بیلن معما گه دوچ کیلیب قاله دیگن دیک کورینماقده.  غربی اولکه لرنینگ هم بیر یقه دن باش چیقاریب قرارلی بیر سیاست آلیب باریاتگن لیگی روسیه نی جدی ستراتیژیک قیین چیلیککه دوچ قیلیب قویماقده.

روسیه جمهوررئیسی ولادیمیر, اوکراین نی اشغال ایتیش گه حرکت قیلیب اولکه سی اوچون کتته بیر قمار اوینه گن بولدی.  و حاضرگی کونده وضعیت هیچ یخشی ایمس دیک کورینماقده.  پوتین روس اردوسی گه "چقماق عملیاتی" امری نی بیررایکن, قیسقه بیر مدت مابینیده کیف نینگ قولگه کیریتیله دیگن لیگی, زلنسکی رهبرلیگی ده گی سیاسی اراده نینگ قوله یدیگن لیگی, اوکراین اردوسی نینگ مقاومت قیلمه یدیگن لیگی و بونده ی بیر وضعیتده اوکراین خلقی نینگ هم روسیه تامانیدن قدرت گه کیتیریله دیگن اقتدار نی قبول قیله دیگن لیگی نی اویلب حرکت ایتدی.

بیراق اوروش نینگ باشلنغیچیده روس اردوسی نینگ "چقماق عملیاتی" موفقیتسیزلیککه اوچره دی.  معمولی بیر اشغال ایمس, بلکه کیف نی قولگه کیریتیش بوییچه اوزیگه خاص عملیات شکلیده پلانلنگن اوشبو حربی تشبث, اوکراین اردوسی نینگ مقاومتی نتیجه سیده تاثیرسیز بولیب قالدی.  شونده ی قیلیب اوکراین سیاسی رهبریتی و همده قومانده تیزیمی ترقه لیب کیتیش اورنیگه اوز کوچی نی ینه ده آرتیریب کوچلی بیر اراده کورسه تیب بیردی.  چقماق عملیاتی نینگ موفقیتسیزلیگی آرتیدن روسیه نینگ ایککینچی پلانی باره سیده هم ییترلی مقیاسده باش قاتیرمه گن لیگی انیقلندی.  معمولی بیر اشغال تشبثی گه ایله نیب قالگن روسیه نینگ حربی عملیاتی اوکراین نینگ جنوبی و شرقیده جدی مقاومت گه دوچ کیلیب قالدی.  کیف تامان کیتیاتگن شمال ده گی قوشین لرنینگ هم جوده آهسته آلغه کیتیاتگن لیگی کورینماقده.  اینیقسه روسیه نینگ اوکراین هوا حدودی گه انیق حاکم بوله آلمه گن لیگی, زرهی قطعه لر گه اوچووچیسیز قوراللی اوچاق لر داخل یقین هوا حمایه سی تامین ایتیله آلمه گن لیگی, یمان قومانده ساختاری, اکمال و اعاشه کبی لوژستیک معما لر روس اردوسی نینگ هم آهسته آلغه کیتیشی و همده آغیر تلفات بیریشی گه سبب بولدی.  روسیه اردوسی پیاده کوچ لری مورالی نینگ هم انچه پس ایکن لیگی کورینماقده. 

اوشبو دایره ده اوکراین اردوسی نینگ خلق بیلن بیر یقه دن باش چیقاریب مقاومت کورسه تگن لیگی, تورکیه دن آلینگن تی بی 2 اوچووچیسیز قوراللی اوچاق لر و انتی تانک سلاح لری دن فایده له نیلگن لیگی نینگ هم موثر بولگن لیگی نی بیلدیریش کیره ک.  اوروش نینگ باشله گنی دن معلوم بیر مدت کیین یوزلب روس عسکری جان بیررایکن, کوپلب روس حربی سی ایسه اسیر بولدی.  زرهی قطعه لر کمین گه دوچ کیلیب قالگن و شونده ی آغیر تلفات بیرگن روس اردوسی موجود. 

ساحه ده وضعیت یخشی ایمس ایکن, غربی اولکه لرنینگ بیر یقه دن چیقاریب آغیر تحریم لر تطبیق ایتیشی نتیجه سیده روسیه نینگ تقریباً دنیا نینگ باشقه اولکه لریدن تجرید ایتیلیشی, اوکراین اشغالی نینگ روسیه جهتی دن قنده ی بیر نتیجه گه سبب بوله دیگن لیگی بوییچه اشارت لر بیرماقده. 

حربی, اقتصادی و سیاسی نتیجه لری جهتی دن پوتین نینگ اوکراین خصوصیده اوینه گن قماری آغیر نتیجه لر گه سبب بولیب, پوتین و اولکه سی نامیدن ستراتیژیک بیر انتحار گه ایله نه دی. برچه اشارت لر بو حقیقت نی بیزگه کورستماقده.