پاریسده بیر کیشی پولیس گه پیچاق بیلن هجوم قیلدی

فرانسه پایتختی پاریسده پولیس گه پیچاق بیلن هجوم قیلگن کیشی ضررسیزلنتیریلدی. 

فرانسه ایچکی ایش لر وزیری گرالد دارمانان, تویتر آرقه لی بیرگن بیاناتیده, پاریس ده ریل بیکتی ده محلی وقت بیلن ایرته لب ساعت 07.00 ده بیر کیشی نینگ پیچاق بیلن پولیس گه هجوم قیلگن لیگی نی بیلدیردی. 

دارمانان, هجومچی نینگ پولیس تامانیدن ضررسیزلنتیریلگن لیگی نی معلوم قیلدی. 

ترانسپورت وزیری ژان باپتیست جباری, حاضرچه اوشبو حادثه نی ترورچیلیک هجوم اوله راق بهالنتیره آلمه یدیگن لیک لری نی ایسله تیب اوتدی. 

هجومچی نینگ قولیده گی پیچاق نینگ 30 سانتی متر اوزونلیککه ایگه ایکن لیگی و اوستیده پولیس گه حقارت محتواسی گه ایگه بعضی نرسه لر نینگ یازیلگن لیگی بیلدیریلدی.