آلمانده بیر تورک مدال بیلن تقدیرلَندی

اوشبو توغریده بیر مراسم بولیب اوتدی

1762905
آلمانده بیر تورک مدال بیلن تقدیرلَندی

آلمان نینگ بایرن ایالتی نینگ نورنبرگ شهریده بیر عیال نینگ حیاتی نی سقلب قالگن یاش تورک باران قیزیل آی گه مدال بیریلدی. 

نورنبرگ شهرداری نینگ اورینباسری جولیا لیهنر, بولیب اوتگن بیر مراسم آرقه لی, بایران ایالتی تامانیدن یمان شرایطده گی کیشی لرنینگ حیاتی نی سقلب قالگن کیشی لر گه بیریله دیگن کریستوفوروس مدالی نی باران قیزیل آی گه بیردی. 

قیزیل آی, بیر دوستی بیلن بیرگه, کوپریک دن اوزی نی تشلش گه حرکت قیلیاتگن و روانی مشکلی بولگن بیر عیال نی تشله مسلیککه کوندیرگن لیک لری و کیین پولیس گه تاپشیرگن لیک لری نی بیلدیردی. 

پولیس نینگ منتدارچیلیک بیلدیرگن لیگی نی معلوم قیلگن قیزیل آی, وضعیت نینگ بایرن ایالتی ایچکی ایش لر وزیرلیگی و ایالت باش وزیرلیگی گه بیلدیریلگن لیگی نی ایسله تیب اوتدی. 

طب فاکولته سی اوقووچی سی 23 یاشلی باران قیزیل آی, تورک لر و مسلمان لرنینگ آلمان مطبوعاتیده کوپینچه یخشی کورسه تیلمه گن لیگی نی معلوم قیلدی. 

قیزیل آی, "ایندی هر تامانده روزنامه لرده بحث ایتیلگچ 'تورک لر بونده ی بیر ایش قیلدی' شکیلده انعکاس قیلگن لیگی بیزنی خرسند قیلماقده. زیرا بونده ی بیر نرسه نی کوپ ایشیتمه یمیز.  کتته بیر ایش قیلمه گن من, لیکن تورک لر و مسلمان لردن بیر شکلده نماینده لیک قیلگن لیگی میز اوچون خرسندمن" دییه قید ایتدی. 



علاقه لی ینگی لیکلر