تورک دولتلری تشکیلاتی: قزاقستان حکومتی و خلقی بیلن هر خیل همکارلیککه تیارمیز

تورک دولت لری تشکیلاتی, قزاقستان ده گی سونگگی وضعیت توغریسیده بیانات بیردی. 

بیاناتده, "تورک دولت لری تشکیلاتی اعضاسی اولکه لر صفتیده, قزاقستان ده گی سونگگی ینگیلیک لر دایره سیده, قزاقستانده تینچلیک و برقرارلیککه اهمیت بیررایکن, تشکیلات اعضاسی اولکه دن عبارت قزاقستان بیلن مستحکم بیردملیگی میز نی بیلدیره میز" دییه قید ایتیلدی. 

قزاق خلقی نینگ یخشی نیت و وضعیت نینگ عادی له شیشی بوییچه آرزوسی گه ایشانیاتگن لیک لری نی بیلدیرگن تشکیلات اعضاسی اولکه لر, "قزاق مسئول لر نینگ تینچلیک سیور بیر شکلده بحران نینگ برطرف ایتیلیب نظم نینگ تامین ایتیلیشی خصوصیده ظرفیت ایگه سی ایکن لیگی گه ایشانماقده میز.  ضرورت بولگن تقدیرده قزاقستان حکومتی و خلقی بیلن هر خیل همکارلیککه تیار ایکن لیگی میز نی بیلدیره میز" دییه قید ایتدی.

عینی دمده بیاناتده, یوز بیرگن حادثه لر عاقبتیده حیاتی نی یوقاتگن کیشی لر اوچون تسلیت بیلدیریلرایکن, یره لنگن لرگه شفا طلب قیلیندی. 

قزاقستان, آذربایجان, تورکیه, قیرغزستان و اوزبیکستان بیلن بیرگه تورک دولت لری تشکیلاتی نینگ 5 اعضاسی آره سیده اورین آلماقده. 

تورکمنستان بیلن هنگری ایسه اوشبو تشکیلات نینگ ناظر اعضا لری دن عبارت. 

تورک کینگشی نامی بیلن میلادی 2019- ییلده قوریلگن اوشبو تشکیلات نینگ آتی, میلادی 2021- ییل نوامبر آییده تورکیه ده بولیب اوتگن رهبر لر ییغیلیشیده تورک دولت لری تشکیلاتی اوله راق اوزگرتیریلدی.