روسیه: ناتونینگ بیز بیلن کینگ کولملی توقنه شووگه کیریشیش هدفی بار

روسیه مدافعه وزیری اورینباسری الکسندر فومین ناتونینگ اولکه سی بیلن "کینگ کولملی قوراللی توقنه شووگه تیارگرلیک کوریش" هدفی بولگن لیگینی ایتدی.

الکسندر فومین پایتخت مسکوده چیت ایللیک عسکری اتشه لر بیلن اویوشتیرگن کنفرانسده ناتونینگ فعالیتلرینی بهالندیردی.

ناتونینگ سونگگی پیتلرده روسیه نی توخته تیش اوچون بیر قطار آدیم آتگن لیگینی معلوم قیلگن فومین اولکه سی نینگ ساووق اوروش نینگ (1947-1991) آرتیدن ناتو بیلن علاقه قوریش اوچون انچه مرته تشبث قیلگن لیگینی افاده ایتدی.

الکسندر فومین روسیه نینگ غرب چیگره لرینی قورالسیزلشتیرگن لیگینی و غرب اولکه لری بیلن "صمیمی اورتاقلیک علاقه سی قوریش اوچون" هردایم آماده ایکن لیکلرینی تاکییدله دی.

ناتونینگ ایسه «روسیه بیلن اوروش گه تیارلنگن لیگینی» معلوم قیلگن فومین شولرنی ایتدی:

"ناتونینگ حربی ساختاریده روسیه بیلن کوچلی شکلده کینگ – کولملی قوراللی توقنه شووگه تیارگرلیک کوریش اوچون ینگی هدفلر قوییلدی" دیدی.

فومین ناتونینگ سونگگی ییللرده گی ستراتیژیسی بیلن تیگیشلی اسنادلرنینگ هم روسیه نینگ "خوفسیزلیک که قره ته اساسی تهدید منبعی" دیب تن آلینگن لیگینی قید ایتدی.

الکسندر فومین امریکا قوشمه ایالتلری بیلن ناتوگه تورلی خیل خوفسیزلیک کفالتلری بیلن علاقه لی تکلیفلرنی اوز ایچی گه آلگن 2 ته کیلیشوو بیتیمی ییتکیزگن لیکلرینی بیلدیردی.

فومین "صمیمی استشاره لرنینگ بولیشینی کوته میز. ناتودن تکلیفلریمیزگه تیزده انیق جواب کوتماقده میز. بیز هر قچان بولسه مذاکره لرنی باشله تیش گه تیارمیز" دیب گپیردی.