مسکوده افغانستان موضوعی بوییچه جلسه بولیب اوتدی

روسیه، طالبان باشقرووینی افغانستان توپراقلرینی اورته آسیا اولکه لریگه قرشی فایده لنیش گه یول قویمسلیک که چقیردی.

روسیه نینگ پایتختی مسکونینگ میزبانلیگیده اویوشتیریلگن افغانستان مسئله لری بیلن تیگیشلی جلسه باشله دی. جلسه گه روسیه، تورکمنستان، قزاقستان، قرغزستان، اوزبیکستان قاله ویرسه تاجکستان، پاکستان، چین، هندوستان، ایران نماینده لری قتنشدی.

اوچونچی مرته اویوشتیریلگن مسکو جلسه سیده طالبان تامانیدن افغانستانده قوریلگن اوتیش دوری حکومتی نینگ "باش وزیر اورینباسری عبدالسلام حنفی باشچیلیگیده گی هیئات هم اورین آلدی.

روسیه تشقی ایشلر وزیری سرگی لاوروف آچیلیش صحبتیده جلسه نینگ اهمیتی گه اشاره قیلیب، بو جلسه نینگ افغانستان بیلن برچه قوشنی و منطقه اولکه لرینی بیرلشتیرگنینی ایتدی.

افغانستانده گی وضعیت نینگ حلی هم برقرار ایمس ایکن لیگینی معلوم قیلیب داعش و القاعده کبی ترور تشکیلاتلری نینگ بو وضعیتدن فایده لنیش گه اورونگن لیگینی اورغوله دی.

اوشبو تشکیلات منسوبلری نینگ کوچمن کبی کورستیب قوشنی اولکه لرگه اوتماقچی بولگن لیگینی بیلدیرگن لاوروف بونگه تشقی اورتاقلرنینگ عکس العمل کورستیشی کیره ک لیگینی افاده ایتدی.

لاوروف " طالباننی هر کیم بولسه افغانستان توپراقلرینی اوچونچی اولکه لرنینگ منفعتلریگه، اینیقسه افغانستان نینگ قوشنی و متفقلری بولمیش اورته آسیا اولکه لریگه قرشی فایده لنیش گه یول قویمسلیک که چقیره میز" دیدی.