جاپان افغانستانگه انسانی یاردم ییتکیزیب بیره دی

جاپان نینگ افغانستان گه 190 میلیون دالرلیک انسانی یاردم ییتکیزیب بیره جگی بیلدیریلدی.

جاپان باش وزیری فومیئو کیشیدا جانلی روشده بولیب اوتگن جی 20 جلسه سیده اولکه سی نینگ افغانستان گه 190 میلیون دالرلیک انسانی یاردم ییتکیزیب بیره جگینی بیلدیردی.

بو فندنینگ جاری ییل نینگ آخریگچه خلق ارا موسسه لر آرقه لی افغانستان گه ییتکیزیلیشینی معلوم قیلگن کیشیدا مقصدلری نینگ افغانستان خلقی دوچ قالگن انسانی بحرانگه یاردمچی بولیش ایکن لیگینی افاده ایتدی.

اوتگن جمعه کونی قندوز ولایتیده بیر مسجدده یوز بیرگن پارتلش نی هم قاره له گن کیشیدا خلق ارا همجمعیت نینگ مشترک مسئله سی بولمیش تروریزم گه قرشی کوره ش بوییچه اورونیشلر ایچیده بولگنلر بیلن همکارلیک قیلیش نی تعهد ایتدی.

کیشیدا طالبان نینگ کینگ بیر سیاسی جریان آلیب باریشی نینگ اولکه نی قیته دن تیکلش اوچون کیره ک لی بولگن انسان منبعی، فند و همکارلیک نی قیته دن اورنته جگینی ایتدی.

طالبان آگست آییده 20 ییل کیین اولکه باشقرووینی قولگه کیریتیب آلگندی. طالبان باشقرووی تامانیدن بیریلگن بیاناتلرده انسان حقلریگه حرمت قیلینه جگی و خلق ارا همجمعیت بیلن یخشی مناسبت قوره جگی بیلدیریلگندی.