متقی پایتخت کابلده گی چیت ایللیک دیپلوماتیک نماینده لر بیلن اوچره شوو اوتکزدی

تشقی ایشلر وزیرلیگیده بیر دعوت ترتیب بیردی

1713227
متقی پایتخت کابلده گی چیت ایللیک دیپلوماتیک نماینده لر بیلن اوچره شوو اوتکزدی

افغانستانده طالبان نینگ اوتیش دوری حکومتی نینگ "تشقی ایشلر وزیری وکیلی" امیرخان متقی پایتخت کابلده گی چیت ایللیک دیپلوماتیک نماینده لر بیلن اوچره شوو اوتکزدی.

طالبان باشقروویدن بیریلگن بیاناتده بیلدیریلیشیچه متقی، دیپلوماتیک نماینده لرگه وزیرلیکده دعوت بیرگن.

طالبان حکومتی نینگ باش وزیر اورینباسری وکیلی عبدالغنی برادر هم قتنشگن دعوتده صحبت قیلگن متقی کابلده بعضی بیر اولکه لرنینگ دیپلوماتیک فعالیتلرینی دوام ایتتیریشی باعث خرسند بولگن لیکلرینی ایتدی.

اوشبو چیت ایللیک دیپلوماتیک نماینده لیکلرنینگ دوام ایتتیریشینی خواهله گن لیکلرینی افاده ایتگن متقی چیت ایللیک نماینده لیکلرنینگ خوفسیزلیگینی تامین ایتیلیشی نینگ اوزلری اوچون بیرینچی اورینده تورگن لیگینی معلوم قیلدی.

متقی افغانستانده سیاسی اوزگریشدن کیین انسانی یاردم ییتکیزیب بیرگن اولکه لرگه هم منتدارچیلیک بیلدیردی.

متقی شولرنی ایتدی:

"بیز اولکه ده ینگی حکومت تیزیمی قوریب دنیا بیلن یخشی مناسبتلر ایجاد ایتیب ینگی بیر سیاسی باسقیچ ایجاد ایتماقچی میز" دیدی.

دنیا اولکه لری بیلن اوزارا منفعتلر دایره سیده اولیملی مناستلر ایجاد ایتماقچی ایکن لیکلرینی تیلگه آلگن متقی، برچه اولکه لرنینگ افغانستانده یریم تشلب کیتگن پروژه لرنی قیته دن اداغگه ییتکیزیشینی خواهله گن لیکلرینی و طالبان نینگ خوددی شو اوچون ییترلی کمک نی بیریش گه تیار ایکن لیگینی قید ایتدی.

عبدالغنی برادر هم بو جایده قیلگن صحبتیده شولرنی ایتدی:

"بیزنی هیچ کیم بیلن قیین چیلیگیمیز یوق. اگر بیز بیلن قیینچیلیگی بولگن بولسه هم دیالوگ آرقه لی ییچیم تاپیش گه تیارمیز. بیزنینگ حکومتیمیزنینگ هیچ کیم نینگ ضرریگه بوله دیگن بیر سیاستی یوق" دیب افاده ایتدی.

پروگرام گه تورکیه نینگ کابل بویوک ایلچیسی جهاد ایرگین آی هم قتنشدی.



علاقه لی ینگی لیکلر