اروپا پارلمانی طالبان بیلن انسانی یاردم ییتکیزیب بیریلیشی اوچون علاقه قوریش قرارینی قبول قیلیب آلدی

اروپا پارلمانی افغانستانده طالبان تامانیدن قوریلگن حکومت نینگ رسمی روشده تن آلمه ی انسانی یاردملر اوچون مناسبت قوریلیشی بیلن تیگیشلی قرارنی قبول ایتدی.

قرار لایحه سیده طالبان تامانیدن قوریلگن حکومت نینگ رسمی روشده تن آلینیشی نینگ رد ایتیلگن لیگی و اولکه نینگ کیلجگی اوچون قیغولنگن لیگی اورغولندی.

امریکا قوشمه ایالتلری کوچلری نینگ افغانستاننی ترک ایتیب چیقیشی گه سبب بولگن سیاسی جریان و حربی پلان نینگ بیر تامانلمه و ناتو متفقلری بیلن ییترلی درجه  ده علاقه قورمه ی ایجاد ایتیلیشی باعث متاثر بولگن لیگی معلوم قیلیندی.

کابل ده گی قوتقروو عملیاتی جریانیده اروپا بیرلیگی اولکه لری آره سیده اینیقسه امریکا قوشمه ایالتلری بیلن  همکارلیک ایجاد ایتیش توغریسیده علاقه قوریلمه گن لیگی گه اشاره قیلیندی.

لایحه ده "امریکا قوشمه ایالتلری و اروپا اولکه لری آره سیده گی علاقه کمچیلیگی نینگ تاثر بیلن کوتیب آلینگن لیگی اروپا تشقی علاقه لر بولیمی و کمیسیون نی بو موضوعنی جاری ییل نینگ آخریگچه بهالندیریشی بوییچه چقیریق قیلیندی.

اروپا بیرلیگی نینگ لایحه سیده افغانستان نی ترک ایتیب قاچگن سابق جمهور باشلیغی اشرف غنی باشقرووی گه بیریلگن فندلرنینگ اوز اوستیگه اوتکزگن لیگی بیلن تیگیشلی ادعالر بوییچه تیرگاو طلب قیلیندی.

مذکور لایحه ده اروپا بیرلیگی تشقی اجراات بولیمی و اعضا مملکتلر، بیرلشگن ملتلر تشکیلاتی خوفسیزلیک کینگشی اداغگه ییتیب باره دیگن بیرلشگن ملتلر تشکیلاتی افغانستان وظیفه سی نینگ قیته تیکلنیشینی خواهله دی.

اروپا پارلمانی ملت وکیللری، عادل و ایریکن سیلاولرنینگ اوتکزیلیشی، وکالت کوچی یوکسک، خاتین – قیزلر و اقیلتلر هم اورین آلگن بیر حکومت ایجاد ایتیلیشی چقیریغی قیلرکن، لایحه نینگ "لوجستیک و انسانی موضوعلرده طالبان نینگ ینگی حاضرگی حکومتی بیلن عملیاتی علاقه نینگ کیره کلی ایکن لیگی قبول قیلینگن حالده شو قوت 20 ییل نینگ بهره لرینی یوق قیلیب تشله گن حاضرگی طالبان ییتکچیلرینی سیاسی اوله راق تن آلینیشی اوچون شرطلرنینگ بجا کیلتیریلمه گن لیگینی" اورغوله دی.

لایحه ده اروپا بیرلیگی نینگ افغانستانلیکلرگه میزبانلیک قیلگن قوشنی اولکه لرگه یاردم بیریشی شونده ی بولیب بوتونله ی اروپا پناهنده لیک و کوچ سیاستی گه الترناتیف بولمس لیگی بناً اروپا بیرلیگی نینگ خوددی شو ساحه ده گی ینگی پکیجی نینگ تیزده نتیجه لنتیریلیشی تاکییدلندی.