بایدن: کابلده ینه بیر هجوم اویوشتیریلیشی ممکن

امریکا قوشمه ایالتلری دولت رهبری جو بایدن, 24 الی 36 ساعت مابینیده افغانستانده گی کابل هوا قونلغه سی گه قره ته ینه بیر هجوم اویوشتیریلیشی نی کوتیاتگن لیک لری نی بیلدیردی. 

بایدن, ملی خوفسیزلیک تیمی دن معلومات آلیشی آرتیدن افغانستانده گی سونگگی وضعیت باره سیده بیانات بیردی.

بایدن, "ساحه ده گی وضعیت یمانله شیب بارماقده و هوا قونلغه سی گه قره ته هجوم تهدیدی جوده یوقاری سویه ده.  قوماندان لری میز مینگه 24 الی 36 ساعت مابینیده بیر هجوم اویوشتیریلیشی احتمالی نینگ جوده یوقاری ایکن لیگی نی بیلدیردی" دییه قید ایتدی. 

بایدن, بو هجوم لرگه جواب قیتریلیش نینگ دوام ایته دیگن لیگی نی بیلدیررایکن, اوز سوز لری نی, "کابلده عسکر لری میز و معصوم عادی اهالی گه قره تیلگن هجوم لر بوییچه مسئول بولگن گروپ گه جواب قیتره دیگن لیگی میز نی بیلدیردیک و جواب قیتردیک.  بو جیرکنچ هجوم نی اویوشتیرگن همه نی اوشلب آلیب جزالنتیریش گه دوام ایته میز" شکلیده دوام ایتتیردی.