امریکا قوشمه ایالتلریده اورمان یانغین لری دوام ایتماقده

امریکا قوشمه ایالتلری نینگ کالیفرنیا ایالتیده دوام ایتیاتگن اورمان یانغین لریده 8 کیشی یوقالدی. 

کالیفرنیا ایالتیده تقریباً 3 هفته دن بیری دوام ایتیاتگن اورمان یانغین لری, بعضی مسکونی منطقه لر گه هم تاثیر قالدیررایکن, آفت نینگ خساره سی هم آغیرله شیب بارماقده. 

"ایالت تاریخیده گی اینگ کتته 3- یانغین" اوله راق معلوم قیلینگن و "دیکسی" دیب ناملنگن یانغین لرده کمیده 8 کیشی نینگ یوقالگن لیگی نی بیلدیرگن پلماس منطقه سی مسئول لری, یوقالگن کیشی لرنی تاپیش اوچون سعی و حرکت لرنینگ دوام ایتیاتگن لیگی نی ایسله تیب اوتدی. 

بیر مینگ 8 یوز کیلومتر مربع دن آرتیق بیر ساحه نینگ یانگن لیگی نی معلوم قیلگن مسئول لر, حاضرگی کون گه قدر 21 یانغین نینگ اوچیریلگن لیگی و هوا شرایطی نینگ یاردمی بیلن بیر نیچه کون مابینیده ینه ده کوپراق یانغین نینگ اوچیریله دیگن لیگی نی بیلدیردی. 

اوشبو یانغین لر سببلی 800 دن آرتیق کیشی نینگ یشیاتگن ایالت نینگ شمالغربیده گی تاریخی گرینویل قصبه سی بوتونله ی یانیب کیتیب 180 دن آرتیق اوی استفاده ایتیله آلمه یدیگن بیر وضعیت گه کیلگن ایدی.

امریکا قوشمه ایالتلری ملی اداره لر ارا یانغین مرکزی, جاری ییل نینگ باشیدن بیری اولکه ده یوز بیرگن 37 یانغین حادثه سیده 1,5 میلیون جریب دن آرتیق ساحه نینگ یانگن لیگی نی معلوم قیلگن ایدی.