نایجریاده اویوشتیریلگن هجوم عاقبتیده کوپلب کیشی جان بیردی

غربی افریقا اولکه سی نایجریاده ایککی ایریم منطقه ده قوراللی هجوم اویوشتیریلدی، عاقبتده 7 کیشی حیاتینی یوقاتدی.

کدونا ایالتی ایچکی خوفسیزلیک و ایچکی ایشلر قومندانی ساموئیل آروان بیرگن یازمه بیاناتده کیم لیگی انیقلنمه گن قوراللی کیشیلرنینگ مذکور ایالت نینگ کاکائو و تسوهون گایا منطقه لریده هجوملر اویوشتیرگنینی ایتدی.

آروان بو هجوم عاقبتیده 7 کیشی نینگ حیاتینی یوقاتگن لیگینی انچه کیشی نینگ یره لنگن لیگینی قید ایتدی.

اولکه ده سونگگی پیتلرده قوراللی کیشیلرنینگ موترسایکل آرقه لی کیلیب هجوم اویوشتیریشی باعث بعضی بیر ایالتلرده موتر سایکل منع قیلیب قوییلگندی.

منطقه ده وقت وقتی بیلن حیوانچیلیک ایشلریده مشغول بولگن فولانیلر بیلن دهقانچیلیک قیلگن بعضی بیر قبیله لر اورته سیده توقنه شوولر یوز بیرماقده. کدونا ایالتیده اوتگن ییل قوراللی کیشیلر قول اورگن هجوملرده 937 نفر حیاتینی یوقاتر ایکن 1972 کیشی آلیب قاچیریلگندی.

حیوانلرینی اوتله تیش اوچون اولکه نینگ جنوبی گه کوچ قیلیب بارگن فولانیلر، دهقانلرنینگ حیوانلرینی اوغیرلب آلیش اورونگن لیگینی و اوزلریگه هجوم اویوشتیرگنینی ادعا ایتماقده.