فیلیپین ده حربی اوچاق قولب توشدی؛ کوپلب کیشی هلاک بولدی

فیلیپین نینگ جنوبیده حربی اوچاق نینگ قولب توشیشی عاقبتیده کمیده 29 کیشی حیاتینی یوقاتدی. 

فیلیپین مدافعه وزیرلیگی تامانیدن بیریلگن بیاناتده, ایچیده کمیده 85 کیشی نینگ موجود بولگن حربی اوچاق نینگ سولو ایالتی پاتیکول قصبه سی نینگ بنگال قیشلاغیده قولب توشگن لیگی معلوم قیلیندی. 

مدافعه وزیری دلفین لورینزانا, حادثه عاقبتیده 29 کیشی نینگ هلاک بولگن لیگی نی بیلدیردی. 

لورینزانا, اوچاقده گی لرنینگ 3 نفری نینگ پیلوت و 5 کیشی سی نینگ اوچاق پرسونلی ایکن لیگی نی بیلدیررایکن, قالگن لری نینگ ایسه حربی ایکن لیک لری نی معلوم قیلدی.

قوراللی کوچ لر قوماندانی جنرال سیریلیتو سوبیژانا هم حادثه محلی ده قیدیرو- قوتقرو فعالیت لری نینگ دوام ایتیاتگن لیگی نی بیلدیردی. 

اوشبو اوچاق نینگ حربی مکتب نی ایندی توگتگن حربی لرنی وظیفه اجرا قیله دیگن محل گه آلیب باریش اوچون اوچگن لیگی بیلدیریلماقده.