نایجریاده اونلب اوقیووچی آلیب قاچیریلدی

غربی افریقا اولکه سی نایجریانینگ نیگر ایالتیده قوراللی کیشیلر تامانیدن بیر مدرسه گه اویوشتیریلگن هجوم عاقبتیده 1 کیشی حیاتینی یوقاتدی، 100 دن آرتیق اوقیووچی آلیب قاچیریلدی.

نیگر ایالتی پولیس اداره سی سوزچیسی واسیئو ابیدون بیرگن یازمه بیاناتده ایالت نینگ تیگینا منطقه سیده گی مدرسه گه موترسایکل آرقه لی بارگن قوراللی کیشیلرنینگ اطرافگه اوق اوزگن لیگینی ایتدی.

ابیدون هجومده 1 کیشی نینگ اولگن لیگینی اونلب کیشی اوقیووچی نینگ آلیب قاچیریلگن لیگینی بیلدیردی.

آلیب قاچیریلگن اوقیووچی سانی نینگ انیق ایمس ایکن لیگینی معلوم قیلگن ابیدو منطقه گه خوفسیزلیک کوچلری نینگ سوق ایتیلگن لیگینی قید ایتدی.

شونده ی بولیب ملی مطبوعاتده اورین آلگن خبرلرده یوزدن آرتیق اوقیووچی نینگ آلیب قاچیریلگن لیگی خبر بیریلدی.

اولکه ده سونگگی پیتلرده قوراللی کیشیلرنینگ

 موتر سایکل آرقه لی کیلیب هجوم اویوشتیریشی باعث بعضی بیر ایالتده موتر سایکل منع قیلینگندی.

نایجریانینگ بنوئه، پلاتوئه، کستینا و زمفره کبی ایالتلریده جنوریدن بیری انچه اوقیووچی آلیب قاچیریلدی.

اولکه ده 20 اپریلده قوراللی کیشیلر تامانیدن کدونا ایالتیده جایلشگن گرین فیلد خصوصی بیلیم یورتی گه اویوشتیریلگن هجوم بیلن 16 ته اوقیووچی آلیب قاچیریلگندی.

نایجریاده مکتبلرنی آماج قرار بیرگن هجوملر باعث بعضی بیر ایالتلرده تعلیم و تحصیل جایلری رخصت قیلینگندی.