نایجریاده اویوشتیریلگن هجوم عاقبتیده کوپلب کیشی اولیب یره لندی

غربی افریقا اولکه سی نایجریانینگ بنوئی ایالتیده اویوشتیریلگن قوراللی هجوم عاقبتیده 9 کیشی حیاتینی یوقاتدی.

بنوئی ایالتی نینگ مکوردی منطقه سیده قوراللی کیشیلر تامانیدن هجوم اویوشتیریلگن لیگی بو هجوم عاقبتیده 9 کیشی نینگ حیاتینی یوقاتگن لیگی کوپلب کیشی نینگ یره لنگن لیگی بیلدیریلدی.

بنوئی پولیس اداره سی سوزچیسی کترینی انینی هجوم نی تایید ایتیب تلفات حقیده معلومات بیرمه دی. انینی منطقه گه خوفسیزلیک کوچلری نینگ سوق ایتیلگن لیگینی معلوم قیلدی.

اولکه ده سونگگی پیتلرده قوراللی کیشیلر موتر سایکل آرقه لی هجوملر اویوشتیریشی باعث بعضی بیر ایالتلرده موتر سایکل منع ایتیلگن وضعیتده.

بنوئیده چاروادارلیک قیله یاتگن فولانیلر بیلن زراعت بیلن شغللنگن بعضی بیر قبیله لر اورته سیده کیلیشماوسیزلیکلر باعث توقنه شوولر یوز بیرماقده.

ایالتده اینگ سونگ 3 می تاریخیده اویوشتیریلگن هجوم عاقبتیده 17 کیشی حیاتینی یوقاتگندی.