روسیه قاره دینگیزده حربی سینش اوتکزماقده

روسیه دینگیز کوچی منطقه گه امریکا قوشمه ایالتلریگه باغلیق حربی کیمه لری ییتیب باریشیدن آلدین قاره دینگیزده حربی سینش گه باشله دی.

خبر آژانسلری تامانیدن بیریلگن معلوماتگه کوره روسیه نینگ قیریم ده گی قاره دینگیز چوکاتیده گی کیمه لر بیلن تیک اوچر و اوچاقلر قتنشماقده.

سینشده ییرده گی و کوکده گی هدفلر نشان آلیب اوریله دی.

امریکا قوشمه ایالتلری 2 ته حربی کیمه سینی قاره دینگیزگه جایلشتیریش اوچون منطقه گه جونتگن لیگینی بیلدیرگندی.

اوشبو آدیم روسیه تامانیدن اوکراین چیگره سیگه حربی بیرلیکلر سوق ایتیشی نینگ آرتیدن آتیلدی.

روسیه تشقی ایشلر وزیری اورینباسری سرگی ریابیکوف امریکا قوشمه ایالتلری نینگ حربی کیمه لرینی قاره دینگیزگه جونه تیشینی "تحریک" دیب اته گندی.