جاری ییلده اوروپا گه اوتیش آرزوسی 190 کیشی نینگ اولیمی گه سبب بولدی

اوشبو مطلب نی بیرلشگن ملتلر تشکیلاتی بیلدیردی

1599055
جاری ییلده اوروپا گه اوتیش آرزوسی 190 کیشی نینگ اولیمی گه سبب بولدی

جاری ییلده اورته ییر دینگیزی آرقه لی اوروپا گه اوتماقچی بولگن 190 نفر مهاجر حیاتی نی یوقاتدی.

اوشبو توغریده بیرلشگن ملتلر تشکیلاتی مهاجر لر بولیمی و خلق ارا مهاجرت تشکیلاتی تامانیدن اورتاق بیانات بیریلدی. 

بیاناتده, اورته ییر دینگیزی ده سونگگی پیتلرده یوز بیریاتگن مهاجر لر بیلن علاقه لی تراژیدی لر بوییچه قیدیرو قوتقرو فعالیت لری نینگ قنچه لیک مهم ایکن لیگی گه دقت قره تیلدی. 

بیاناتده, توناوون تونس نینگ جنوبی ده مهاجر لرنی تاشووچی ایککی کیمه نینگ غرق بولیشی عاقبتیده 39 نفر مهاجر نینگ حیاتی نی یوقاتگن لیگی سببلی قیغو بیلدیریلدی. 

بیاناتده, هوا وضعیتی نینگ یخشی ایمس لیگی سببلی توناوون توخته تیلگن قیدیرو قوتقرو فعالیت لری نینگ حاضر دوام ایتیاتگن لیگی معلوم قیلیندی. 

جاری ییلده 190 نفر مهاجر نینگ حیاتی نی یوقاتگن لیگی معلوم قیلینگن بیاناتده, شمالی افریقا اولکه لری دن ایتالیا گه ییتیب بارگن مهاجر لر سانی نینگ 5 مینگ 700 گه ییتگن لیگی بیلدیریلدی.

خلق ارا مهاجرت تشکیلاتی تامانیدن بیریلگن بیاناتگه کوره, جاری ییلده جهان بویلب حیاتی نی یوقاتگن مهاجر لر سانی ایسه 446 گه ییتدی. 



علاقه لی ینگی لیکلر