ناتو افغانستاندن چیقیب کیتیش یاکی قالیش توغریسیده قرار قبول قیلمه دی

ناتو مدافعه وزیرلری، اتفاق نینگ افغانستان نی ترک ایتیب چیقیشی ویا او جایده قالیش گه دوام ایتیشی توغریسیده قرار آلمه دی بیراق عراقده گی وظیفه سینی کینگه یتیردی.  

ناتو باش منشیسی ینس ستولتنبرگ ویدیو کنفرانس آرقه لی آلیب باریله یاتگن ایککی کونلیک ناتو مدافعه وزیرلری ییغیلیشی نینگ ایککینچی و سونگگی کون جلسه سی نینگ آرتیدن مطبوعاتی کنفرانس اویوشتیردی.

ستولتنبرگ بوگونگی جلسه نینگ کون ترتیبیده گی موضوع ماده سی بولمیش ناتونینگ افغانستان نی ترک ایتیب چیقیشی ویا او جایده قالیش گه دوام ایتیشی توغریسیده گی قرار بیلن تیگیشلی سوال گه جواب بیردی.

جلسه ده افغانستان و عراق وظیفه نینگ بهالندیریلگن لیگینی معلوم قیلگن ستولتنبرگ امریکا قوشمه ایالتلری بیلن طالبان گروهی اورته سیده گی کیلیشووگه بناً 1 می ده خلق ارا عسکرلرنینگ افغانستان نی ترک ایتیب چیقیشی بوییچه بیر قرار آلینمه گن لیگینی بیلدیردی.

افغانستان تینچلیک جریانی استه – سیکین آلغه باراتگن بولسه ده اونی قوللب – قوتله گن لیکلرینی تاکییدله گن ستولتنبرگ، عراق موضوعی بوییچه شولرنی ایتدی.

"عراق کوچلرینی تروریزم گه قرشی کوره ش بوییچه قوللب – قوتلش و داعش نینگ ینه بیر مرته قیتیب کیلیشی گه توسیق بولیش مقصدی بیلن ناتونینگ عراقده گی وظیفه سی نینگ کینگه یتیریش قرارینی قبول قیلیب آلدیک. ماموریتیمیز 500 پرسونلدن 4 مینگ نفرگه چیقریله دی.  تعلیم فعالیتلریگه بوندن هم آرتیق عراق اداره سی بیلن بغداددن تشقریده گی منطقه لر کیریتیله دی، دیدی.

ستولتنبرگ عراق حکومتی نینگ طلبی گه بناً عراقده جایلشگن لیگینی و شونقه بیر قرار آلینگن لیگینی اورغوله گن ستولتنبرگ،

"بو فعالیتلر عراق نینگ حاکمیتی و توپراق بوتونلیگی گه حرمت دایره سیده آلیب باریلماقده دیر" دیب ایتدی.

ستولتنبرگ، عین دمده عراقده گی کوچلرنینگ باشقرووی نینگ کانادادن دنمارک که اوتیشیدن خبر بیردی.