اندونزیاده قولب توشگن اوچاق نینگ قاره قطیسی دینگیزدن چیقریب آلیندی

اوچاق تورت تامانگه پارچه لنیب کیتگن

1562123
اندونزیاده قولب توشگن اوچاق نینگ قاره قطیسی دینگیزدن چیقریب آلیندی

اندونزیاده 9 جنوریده قولب توشگن یولاوچی اوچاغی نینگ قاره قطیسی دینگیزدن چیقریب آلیندی.

اندونزیا قیدیروو – قوتقروو باشقرووی مسؤللری اوچیشدن قیسقه مدت کیین قولب توشگن یولاوچی اوچاغی نینگ قاره قطیسی نینگ دینگیزدن چیقریب آلینگن لیگینی بیلدیردی.

حلی گچه اوچاق نینگ توشیش سببی بوییچه هیچ بیر بیانات بیرمه گن مسؤللر قاره قطی نینگ تیکشیرووی نینگ آرتیدن سببی نینگ انیقلنه جگینی معلوم قیلگندی.

ترانسپورت وزیری بودی کاریا سومادی 9 جنوریده اویوشتیرگن مطبوعاتی کنفرانسده 12 نفر پرسونل و 50 نفر یولاوچیسی بولمیش یولاوچی اوچاق بیلن اوچیشدن 5 دقیقه کیین علاقه نینگ کیسیلیب قالگن لیگینی و پایتخت جاکارته نینگ شمالیده جایلشگن لاکی و لانجانگ آرالی نینگ اورته سیده گی دینگیز ساحه سیگه قولب توشگن لیگینی بیلدیرگندی.  

اندونزیا دینگیز کوچلری یولاوچی اوچاغی نینگ پایتخت جکارتا قیرغاغی نینگ شمالیده گی توسند آراللری دینگیز ساحه سیده 4 نقطه گه پارچه لنیب کیتگن لیگینی معلوم قیلگندی.

حادثه نینگ جاییده قیدیروو – قوتقروو فعالیتی آلیب باریلماقده.

 



علاقه لی ینگی لیکلر