آذربایجان نینگ آغدام ولایتی ده ییگیرمه ییتتی ییل کیین اذان ایتیلدی

شهر مرکزی ده گی مسجد گه بارگن آذربایجان عسکر لری تیگره ک نی تازه لب, مسجد و مناره سی گه بیرق آسدی

1531831
آذربایجان نینگ آغدام ولایتی ده ییگیرمه ییتتی ییل کیین اذان ایتیلدی

میلادی 1993- ییلده ارمنستان تامانیدن اشغال قیلینگن آغدام ولایتی گه 27 ییل کیین کیرگن آذربایجان عسکر لری شهر مسجدی گه بیرق آسدی و مسجد ده اذان ایتیلدی. 

آذربایجان بیلن ارمنستان اورته سیده امضالنگن آتشکیسین کیلیشووی دایره سیده, ارمنی کوچ لرنینگ آغدام دن چیقیشی آرتیدن اوشبو شهر گه آذربایجان اردوسی کیردی. 

شهر مرکزی ده گی مسجد گه بارگن عسکر لر تیگره ک نی تازه لب, مسجد و مناره سی گه بیرق آسدی. 

کیین ایسه مسجد ده 27 ییل سونگ اذان ایتیلدی و جمعه نمازی اوقیلدی.

آذربایجان اردوسی نینگ تاغ لیک قاره باغ ده گی توپراق لری نی اشغال دن قوتقریش اوچون 27 سپتامبرده باشلتگن موفقیتلی عملیاتی, ارمنستان نی آتشکیسین کیلیشووی امضالش گه مجبور قیلیب قویدی. 

شونده ی قیلیب اوشبو کیلیشوو دایره سیده ارمنستان کوچ لری, 20 نوامبردن باشلب آغدام نی ترک ایتدی. 



علاقه لی ینگی لیکلر